Sosial

Ana səhifə

Sosial

AMEA prezidenti: “Məcburi köçkünlər, Qarabağ veteranları kimi alimlərə də güzəştlər edilməsi yaxşı olardı”

07 noyabr 2012 11:53 (UTC +04:00)

Həqiqətən də nəinki gənc, eləcə də yaşlı alimlərin mənzil şəraiti çox pisdir, onların çoxu yataqxanalarda, kirayələrdə qalır. Ona görə də alimlər üçün heç olmasa güzəştli ipoteka məsələsi həll olunsaydı, yaxşı olardı”. Bunu APA-ya açıqlamasında Azərbaycan Milli Elmlər Akademiyasının (AMEA) prezidenti Mahmud Kərimov deyib.

Onun sözlərinə görə, alimlər də sosial baxımdan zəif və müdafiəsiz təbəqədir: “Biz məcburi köçkünlərə, Qarabağ müharibəsi veteranlarına çox böyük hörmətlə yanaşırıq. Onlar üçün əlavə binalar tikilir, mənzillər verilir. Biz də sosial baxımdan zəif və müdafiə olunmamış təbəqəyik. Alimlərə də bu cür güzəştli mənzillərin verilməsi yaxşı olardı. Açığı, bu cür təkliflə indiyədək çıxış eləməmişik. Gözləyirik “Elm haqqında” qanun qəbul olunsun. Orada da alimlərin statusu, sosial müdafiələri ilə bağlı bəzi məsələlər öz əksini tapacaq. Bu qanun qəbul olunarsa, alimlərin sosial problemləri də yəqin ki, yaxşılaşacaq”.

AMEA