Sahibkarlıq

Ana səhifə

Sahibkarlıq

İrəvanda Ermənistan və Türkiyə sahibkarlarının iştirakı ilə forum keçirilir

05 oktyabr 2012 15:08 (UTC +04:00)

Bakı. Anaxanım Hidayətova – APA-Economics. İrəvanda Ermənistan və Türkiyə sahibkarlarının iştirakı ilə forum keçirilir.

“APA-Economics”in “Novosti Ameniya”ya istinadən xəbərinə görə, tədbir USAİD, Avrasiya Əməkdaşlıq Fondu və Beynəlxalq İnsan İnkişafı Mərkəzinin dəstəyi ilə Ermənistan Sənayeçilər və Sahibkarlar İttifaqı tərəfindən təşkil olunub.

İki günlük forumun maliyyələşdirilməsini Marşall Fondunun “Regional stabillik naminə Qara dəniz etimadı” proqramı öz üzərinə götürüb. Tədbirə Türkiyənin şərq vilayətlərindən olan 50-dən çox sahibkar dəvət olunub. Onlar biznesin müxtəlif sahələrini, o cümlədən yüngül sənaye, inşaat, səhiyyə, zərgərlik və restoran biznesini təmsil edirlər.

Tədbir çərçivəsində Forum sabah öz işini başa çatdıracaq. Forum çərçivəsində ermənilərin indiki Türkiyə ərazisində XV əsrdən 1915-ci ilə qədərki ticarət-iqtisadi fəaliyyəti barədə erməni tarixçisi, yazıçı Xaçatur Dadayanın kitabının təqdimatı da keçiriləcək.