Gəncə. Azər Məmmədli - APA. Gəncə şəhər sakininin evindən xeyli miqdarda qurudulmuş marixuana aşkarlanıb. APA-nın qərb bürosunun verdiyi məlumata görə, Baş Narkotiklərlə Mübarizə İdarəsinin Qərb Bölgəsi Regional Şöbəsi əməkdaşlarının keçirdikləri əməliyyat-axtarış tədbirləri nəticəsində Gəncə şəhər sakini, əvvəllər məhkum olunmuş, 1985-ci il təvəllüdlü Sabiq Oqtay oğlu Əsgərov 3,13 qram marixuananı satarkən saxlanılıb. Onun evinə baxış zamanı 6 kiloqram 540 qram marixuana aşkar edilərək götürülüb.
Faktla bağlı araşdırma aparılır.