Futbol

Ana səhifə

Futbol

“Neftçi”nin Çempionlar Liqasının III mərhələsində “Jilina”- “Hapoel” cütlüyünün qalibi ilə qarşılaşacaq

20 iyul 2012 13:22 (UTC +04:00)

Bakı-APA. Bu gün Çempionlar Liqasında III mərhələnin püşkatması keçirilib. Apasport.az saytının məlumatına görə, Azərbaycanın turnirdəki yeganə təmsilçisi olan “Neftçi”nin püşkdə bəxtinin gətirdiyi demək olar. Potensial rəqiblər arasında “Jilina” (Slovakiya) - “Hapoel” (Kiryat, İsrail) cütünün qalibi ən münasib rəqib sayılır.

İlk oyunda evdə 1:0 hesabı ilə qalib gələn slovakiyalılar mərhələ keçməyə daha şanslıdır. Hər halda, onları səfər matçında istənilən heç-heçə, hətta qol vurmaq şərti ilə minimal fərqli məğlubiyyət də qane edəcək. İlk oyunda 3:0 hesabı ilə qalib gəlməklə, cütün taleyini demək olar həll edən “Neftçi”nin növbəti mərhələdə ilk oyununu səfərdə keçirəcək.

Çempionlar

1. “Maribor” (Sloveniya) - “Jelezniçar” (Bosniya və Herseqovina) cütünün qalibi - BATE (Belarus) - “Vardar” (Makedoniya) cütünün qalibi
2. ÇFR (Rumıniya) - “Slovan” (Çexiya) - “Şaxtyor” (Qazaxıstan) cütünün qalibi
3. “Anderlext” (Belçika) - “Şemrok Rovers” (İrlandiya) - “Ekranas” (Litva) cütünün qalibi
4. “Buduçnost” (Çernoqoriya) - “Şlask” (Polşa) cütünün qalibi - TNS (Uels) - “Helsinqborq” (İsveç) cütünün qalibi
5. “Skenderbeu” (Albaniya) – “Debretsen” (Macarıstan) cütünün qalibi - “Dudelanj” (Lüksemburq) - “Zalsburq” (Avstriya) cütünün qalibi
6. “Uliss” (Ermənistan) - “Şerif” (Moldova) cütünün qalibi - “Ludoqorets” (Bolqarıstan) - “Dinamo” (Xorvatiya) cütünün qalibi
7. “Seltik” (Şotlandiya) - HİK (Finlandiya) - “Reykyavik” (İslandiya) cütünün qalibi
8. “Molde” (Norveç) - “Ventspils” (Latviya) cütünün qalibi - “Flora” (Estoniya) - “Bazel” (İsveçrə) cütünün qalibi
9. “Jilina” (Slovakiya) - “Hapoel” (Kiryat, İsrail) cütünün qalibi - “Neftçi” (Azərbaycan) - “Zestafoni” (Gürcüstan) cütünün qalibi
10. “Valletta” (Malta) - “Partizan” (Serbiya) cütünün qalibi - AEL (Kipr) - “Linfild” (Şimali İrlandiya) cütünün qalibi

Qeyri-çempionlar

1. “Dinamo” (Ukrayna) - “Feyenoord” (Hollandiya)
2. “Fənərbaxça” (Türkiyə) “Vaslui” (Rumıniya)
3. “Mozervell” (Şotlandiya) - “Panatinaikos” (Yunanıstan)
4. “Kopenhagen” (Danimarka) - “Brügge” (Belçika)

Qeyd edək ki, III mərhələdə ilk oyunlar iyulun 31-də, cavab oyunları 1 həftə sonra keçiriləcək.