Hadisə

Ana səhifə

Hadisə

Bakıda sərxoş sürücü qəza törədib, 2 nəfər xəsarət alıb - FOTO - VİDEO

Bakıda sərxoş sürücü qəza törədib, 2 nəfər xəsarət alıb - <span style="color: red;">FOTO - <span style="color: red;">VİDEO

24 noyabr 2015 01:08 (UTC +04:00)

Bakı. Mahir Məmmədli – APA. Ötən gecə Bakıda sərxoş sürücü qəza törədib, iki nəfər xəsarət alıb.

APA-nın məlumatına görə, hadisə Masazır qəsəbəsində baş verib. "QAZ-3110" markalı avtomobili sərxoş vəziyyətdə idarə edən sürücü döngədə idarəetməni itirərək qarşı yola çıxıb.

Avtomobilin sürücüsü qarşıdan gələn "LADA" markalı avtomobillə toqquşmadan yayınmağa çalışsa da, maşını işıq dirəyinə çırpıb. "LADA"nın sürücüsü isə qarşısına qəfildən çıxan maşını gördükdə qorxub və idarəetməni itirib. Nəticədə, avtomobil "QAZ-3110"-a dəyib.

İşıq dirəyinə çırpılan "QAZ-3110" yararsız hala düşüb, avtomobildəki iki nəfər xəsarət alıb. Xəstəxanaya çatdırılan yaralılar dərhal əməliyyat olunublar. Həkimlər yaralıların sərxoş vəziyyətdə olduğunu bildiriblər. Onların şəxsiyyətini dəqiqləşdirmək hələlik mümkün olmayıb.

Faktla əlaqədar Abşeron Rayon Polis İdarəsində araşdırma aparılır.