Bakı. Şəhriyar Əlizadə - APA. Daxili İşlər Nazirliyi (DİN) Ağsu rayonunda baş vermiş qətl hadisəsi ilə bağlı məlumat yayıb.
APA-nın nazirliyin saytına istinadən verdiyi məlumata görə, oktyabrın 22-də Ağsu şəhərində yaşayan Tərlan Baxşıyev həyətində münaqişə zəminində tüfəngdən açdığı atəşlə həmyerlisi Rüstəm Osmanova xəsarət yetirib. R.Osmanov hadisə yerində ölüb.
Ağsu rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində T.Baxşıyev tutulub. Hadisəni törədərkən istifadə etdiyi “TOZ-16” markalı tüfəng götürülüb.
Faktla bağlı araşdırma aparılır.