Samuxda ölümlə nəticələnən yol-nəqliyyat hadisəsi baş verib.
APA-nın qərb bürosunun verdiyi məlumata görə, Gəncə-İmamzadə yolunun İnstitut qəsəbəsi ərazisindən keçən hissəsində hərəkətə olan “Hyundai” markalı avtomobil idarəetmədən çıxaraq, yolun kənarındakı ağaca çırpılıb. Nəticədə avtomobilin sürücü və sərnişini hadisə yerində ölüblər.
Ölənlərin 1958-ci il təvəllüdlü İlqar Zeynalov və Mahir Məmmədov olduğu bildirilir.
Faktla bağlı Samux rayon Polis şöbəsində araşdırma aparılır.