Bakı. Yeganə Laçınzadə - APA-Economics. "Moody`s İnvestors Services" beynəlxalq reytinq agentliyi Rusiyanın bir neçə iri bankının, o cümlədən "Bank VTB"nin törəmə şirkətlərinin reytinqlərini aşağı salıb.
"APA-Economics"in Finmarket.ru iqtisadi portalına istinadən verdiyi xəbərə görə, reytinq agentliyi "Bank VTB"nin Ermənistandakı törəmə bankının depozit reytinqini "Ba2" səviyyəsindən "Ba3" səviyyəsinə, Azərbaycandakı törəmə bankının depozitlər üzrə reytinqini isə "Ba3"-dən "B1"-ə endirib.
Agentliyin dəyişən reytinqlər üzrə proqnozu "neqativ"dir.