Tovuz rayonunda yol-nəqliyyat hadisəsi baş verib. APA-nın qərb bürosunun məlumatına görə, hadisə rayonun Cırdaxan kəndi ərazisində qeydə alınıb. Hərəkətdə olan “Hyundai” markalı avtomobilin idarəetmədən çıxaraq yolun kənarına aşması nəticəsində avtomobilin sürücüsü, rayonun Alakol kənd sakini, 1987-ci il təvəllüdlü Qasımov Bağban İlham oğlu, sərnişinlər, 1981-ci il təvəllüdlü Bəhmən Məsimov, 1987-ci il təvəllüdlü Sədi Məsimov, 1982-ci il təvəllüdlü Vüqar Həsənli və 1978-ci il təvəllüdlü Asəf İbadov xəsarət alıblar.
Onlar Tovuz rayon Mərkəzi Xəstəxanasına yerləşdirilib. Xəsarət alanlardan üçünün vəziyyətinin ağır olduğu bildirilir.
Faktla bağlı araşdırma aparılır.