Mədəniyyət və Turizm Nazirliyinin informasiya və ictimaiyyətlə əlaqələr şöbəsindən APA-ya verilən məlumata görə, Birləşmiş Millətlərin Ümumdünya Turizm Təşkilatının İcraiyyə Şurasının 100-cü iclası çərçivəsində Argentina mədəniyyət naziri ilə görüşən Azərbaycanın mədəniyyət və turizm naziri Əbülfəs Qarayev iki ölkə arasında turizm sahəsində əməkdaşlığın perspektivlərini müzakirə edib.
100-cü sessiya “Turizmdə innovasiya: mövsümiliyə üstün gəlməyin yeni yolları” mövzusunda keçirilib. Sessiyada 2016-2017-ci illərdə Dünya Turizm Gününün mövzuları və keçiriləcəyi yerin müəyyən olunması istiqamətində müzakirə aparılıb.