“Qarabağ”ın avrokubokların pley-offundakı rəqibi noyabrın 7-də bəlli olacaq.
Apasport.az saytının məlumatına görə, həmin gün Çempionlar Liqasında 1/8 finalın, Avropa Liqası və Konfrans Liqasında pley-offun püşkü atılacaq.
Avropa Liqasının G qrupunda üçüncü olan Azərbaycan çempionu mübarizəni Konfrans Liqasında davam etdirəcək. Təmsilçimiz püşkatmada səpələnməmişlər səbətində olacaq.
“Qarabağ”ın mümkün rəqibləri isə Konfrans Liqasında qrup ikincisi olan 8 klubdur. Bu komandalar püşkdə səpələnmişlər olacaq.
Tədbir Bakı vaxtı ilə 17:00-da başlayacaq. “Qarabağ” bu raundda “Fiorentina” (İtaliya), “Bazel” (İsveçrə), “Dnepr-1” (Ukrayna), “Gent”, “Anderlext” (hər ikisi Belçika), ÇFR (Rumıniya), “Lex” (Polşa) və “Partizan” (Serbiya) klublarından biri ilə qarşılaşacaq.
Qeyd edək ki, pley-offun oyunları 2023-cü il fevralın 16-da və 23-də keçiriləcək. “Qarabağ” bütün səpələnməmişlər kimi ilk oyuna evdə, cavab matçına səfərdə çıxacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
