Bu gün Bakı Ağır Cinayətlər Məhkəməsində dələduzluqda təqsirləndirilən Vəfa Qurbanovanın məhkəmə iclası başa çatıb.
APA-nın məlumatına görə, hakim Azər Paşayevin sədrlik etdiyi iclasda hökm oxunub. Hökmə əsasən V. Qurbanova 7 il müddətinə azadlıqdan məhrum edilib.
Onun azyaşlı uşağı on dörd yaşına çatana kimi hökmün icrası təxirə salınıb.
V. Qurbanova həbs edilməyib.
Qeyd edək ki, V. Qurbanova Cinayət Məcəlləsinin 178-ci (dələduzluq) maddəsinə əsasən ittiham edilib.