Bakı – APA. İspaniya La Liqasında 2014/15 mövsümünün çempionu müəyyənləşib. APA-nın məlumatına görə, XXXVII turda “Atletiko”nun qonağı olan “Barselona” intriqanın son tura qalmasına imkan verməyib.
Lionel Messinin 65-ci dəqiqədə vurduğu yeganə qol sayəsində Madriddən 1:0 hesablı qələbə ilə dönən Kataloniya təmsilçisi son tur öncəsi ən yaxın izləyicisi “Real”la 4 xallıq fərqi qoruyub. Beləliklə, aktivində 93 xal olan “Barselona” çempionluğunu rəsmən elan edib.
Barselonada “Espanyol” üzərində böyükhesablı (4:1) qələbə qazanan “Real” isə mövsümü titulsuz başa vuracaq.
Bununla, “Barselona” tarixində 23-cü çempionluğunu qazanıb. Kataloniyalılar həm də birillik fasilədən sonra qızıl medalların sahibi olublar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
