APA-nın BBC-yə istinadən verdiyi xəbərə görə, bunu Poroşenkonun mətbuat katibi Svyatoslav Tseqolko bəyan edib.
“Prezident vurulmuş təyyarə barəsində belə deyib: bu qəza və yaxud bədbəxt hadisə deyil, terror aktıdır”, - deyə Tseqolko bildirib.
Xatırladaq ki, bu gün Donetsk vilayətində Malayziyaya məxsus “Boeing” - 777 təyyarəsi qəzaya uğrayıb. Təyyarənin qəzaya uğraması nəticəsində 295 nəfər ölüb. Ukrayna hökuməti və separatçılar bir-birlərini təyyarənin vurulmasında günahlandırırlar.