Futbol

Ana səhifə

Futbol

Azərbaycan UEFA-nın reytinq siyahısında xal hesabını artırıb

23 noyabr 2012 11:06 (UTC +04:00)

Bakı-APA. UEFA-nın 2008-13-cü illəri əhatə edən reytinq siyahısında dəyişikliklər olub. Apasport.az saytının məlumatına görə, 2012/13 mövsümünün Çempionlar və Avropa Liqasının qrup mərhələsinin V turunun qarşılaşmalarında bəzi ölkələr xal hesablarını dəyişə bilib.

Son 5 mövsümü əhatə edən reytinqə Azərbaycan da hesabına növbəti 0,250 xalı yazıb. Bu, “Neftçi”nin Serbiya “Partizan”ı ilə Bakıda heç-heçə etməsi sayəsində mümkün olub – 1:1.

Təsnifat mərhələsindən fərqli əsas mərhələdə heç-heçə artıq 0,125 deyil, 0,250 xal gətirir. 1:1 hesablı heç-heçə ilə cari mövsüm qazanılan xallarımızın sayı rekord həddə - 2,750-ə çatıb.

Cari mövsüm toplanan xalların ən böyük hissəsi – 1,375-i “Neftçi”nin, 0,750-si “İnter”ın payına düşür. Digər 0,500 xal “Xəzər Lənkəran”ın, 0,125-i isə “Bakı”nın hesabındadır.

“Neftçi”nin qələbəsi sayəsində son 5 ilə əsasən özümüz üçün rekord - 8,291 xal yığmağa imkan verib. Lakin bunun da sayəsində Azərbaycan UEFA reytinqində irəliləyə bilməyib. Faydasız heç-heçədən sonra da ölkəmiz 33-cü pillədə qalıb. Futbol tariximizdə ən yüksək nəticə olan bu pillə daha da yaxşılaşa bilərdi. Belə ki, bizi 32-ci yerdə qərarlaşan Finlandiyanı keçmək üçün “Neftçi” qalib gəlməli idi. Təəssüf ki, Böyükağa Hacıyevin komandası Azərbaycanı 32-ci pilləyə daşıya bilmədi. İndi Finlandiyanı keçməyimiz Milanda İtaliya “İnter”dən alınan xaldan asılı olacaq. İstənilən xal bizi 32-ci yerə daşıyacaq.

UEFA reytinqinin 4-cü onluğu

yer	Ölkə	reytinq	Qalıb/klub
31	Gürcüstan	9,166	0/4
32	Finlandiya	8,508	0/5
33	Azərbaycan	8,291	1/4
34	Bosniya-Herseqovina	7,833	0/4
35	Moldova	7,666	0/4
36	İrlandiya	7,375	0/4
37	Litva	6,500	0/4
38	Qazaxıstan	5,958	0/4
39	Latviya	5,791	0/4
40	İslandiya	5,416	0/4