Bakı. Etibar Məmmədov - APA. “Klassik Xalq Cəbhəsi Partiyası Milli Şuranın oktyabrın 12-nə təyin etdiyi mitinqdən xəbərsizdir”. Bunu APA-ya açıqlamasında KXCP sədri Mirmahmud Mirəlioğlu deyib.
O, partiyasının mitinqdə iştirak edib-etməyəcəyi ilə bağlı suala “Mənim mitinqdən xəbərim yoxdur” - deyə cavab verib.
KXCP Ali Məclisinin sədri Bəybala Əbil də APA-ya bildirib ki, Milli Şuranın mitinqi barədə məlumatı yoxdur. Onun sözlərinə görə, KXCP-nin mitinqdə iştirak məsələsi partiyanın İdarə Heyətində müzakirə olunduqdan sonra qərar veriləcək.
Xatırladaq ki, KXCP rəhbərliyi son vaxtlar Milli Şuranın tədbirlərində iştirak etmir. KXCP sədrinin müavini Xəzər Teyyublu sentyabrın 28-də qurumdan istefa verib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
