APA-nın Moskva müxbirinin verdiyi məlumata görə, bunu Rusiya Narkotiklərin Dövriyyəsinə Nəzarət Federal Xidmətinin rəhbəri Viktor İvanov bu gün keçirdiyi mətbuat konfransında deyib.
"Hesablamalarımıza görə, Əfqanıstandan heroin qaçaqmalçılığından İŞİD-ın qazancı 1 mlrd. dollara çatıb. Avropa qitəsinə daşınan heroinin təxminən yarısını İŞİD təmin edir", - deyə V. İvanov bildirib.
Rusiyanın Əfqanıstandan heroin axınından narahat olduğunu söyləyən V. İvanov bildirib ki, bu il Əfqanıstanda tiryək istehsalı həcminin rekord göstəriciyə çatacağı gözlənilir. O, Rusiyanın bütün regionlarında narkotiklərin qanunsuz dövriyyəsinə qarşı genişmiqyaslı əməliyyat keçirildiyini söyləyib.
Qeyd edək ki, V. İvanov bir müddət öncə mətbuata açıqlamasında Rusiyada narkotik aludəçilərinin ildə 30,5 mlrd. dollar xərclədiyini bildirib. Onun sözlərinə görə, narkotiklərin qanunsuz dövriyyəsi üzündən ölkə iqtisadiyyatına 80 mlrd. dollar ziyan dəyib. V. İvanov Rusiyada 8 milyon nəfərin narkotik aludəçisi olduğunu əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
