Hadisə

Ana səhifə

Hadisə

Bərdədə baş verən yol qəzasında ölənlərin sayı 4-ə çatıb

27 iyun 2008 08:23 (UTC +04:00)

Bərdə-Teymur Zahidoğlu - APA. İyunun 26-da Hindarx-Borsunlu yolunun 25-ci kilometrliyində, Bərdənin Soğanverdilər kəndi ərazisində baş verən yol-nəqliyyat hadisəsi nəticəsində yaralanan Şərabanı Rzayeva çatdırıldığı xəstəxanada keçinib. APA-nın Qarabağ bürosunun məlumatına görə, bununla hadisə nəticəsində ölənlərin sayı 4-ə çatıb.
Qeyd edək ki, iyunun 26-da Ağdam rayon sakini, 1982-ci il təvəllüdlü Azər Əliyevin idarə etdiyi “VAZ 2106” markalı, 02-BB-457 nömrə nişanlı avtomobil Laçın rayon sakini, 1968-ci il təvəllüdlü Yelmar Rzayevin idarə etdiyi “VAZ 2107” markalı, 59-BA-447 nömrə nişanlı maşınla toqquşub. Nəticədə A. Əliyev, “VAZ 2107”in sərnişinləri Pəsi Şükürov və Eldar Rzayev hadisə yerində keçiniblər. Ağır yaralanan “VAZ 2106”ın sərnişinləri, 22 yaşlı Məhəmməd Niftəliyev və 20 yaşlı Novruz Əhmədov, “VAZ 2107”in sürücü Yelmar Rzayev, onun anası Şərabanı Rzayeva isə Bərdə Mərkəzi Rayon Xəstəxanasına yerləşdiriliblər.

Bərdə_qəza