Hadisə

Ana səhifə

Hadisə

Azərbaycan Ordusunun keçmiş zabitinin və digərlərinin məhkəməsində təqsirləndirilən şəxslər ifadə verib

16 dekabr 2008 15:32 (UTC +04:00)

Bakı. Ramil Məmmədli – APA. Bu gün Ağır Cinayətlərə Dair İşlər üzrə Hərbi Məhkəmədə Azərbaycan Ordusunun keçmiş zabiti Kamran Əsədovun və digər 19 nəfərin cinayət işi üzrə məhkəmə prosesi keçirilib. APA-nın məlumatına görə, hakim İslam Neymanovun sədrliyi ilə qapalı keçirilən prosesdə təqsirləndirilən Elşən Məmmədov və Ramin Əliyev sərbəst ifadə veriblər. Hər iki şəxs özlərini təqsirli bilmədiklərini və ittiham aktında onlarla bağlı qeyd olunanların əsassız olduğunu söyləyiblər. Proses dekabrın 17-də davam etdiriləcək.
Xatırladaq ki, təqsirləndirilən şəxslər - Kamran Əsədov, Bəxtiyar Orucov, Fərid Cabbarov, Elşən Məmmədov, Kamran Babayev, Samir Mehbalıyev, Tərlan Kərimov, Edqar Əliyev, Ramil Kərimov, Şirvani Babayev, Samir Əliyev, Yalçın Məhərrəmov, Orxan Əlizadə, Hacıbala Hüseynov, Azər İbadov, Şəhriyar Mehrəliyev, Ramin Cəlilov, Rövşən Əbdüləliyev, İlkin İsmayılov və Vüqar Əliyev dini radikal qrupda birləşərək, hərbi mübarizəyə başlamağa cəhd etməkdə, Bakıdakı “LUKoyl” yanacaqdoldurma məntəqəsinə silahlı basqın etməkdə, ABŞ və Böyük Britaniyanın Azərbaycandakısəfirliklərinə qarşı terror aktı hazırlamaqda ittiham olunurlar.