Hadisə

Ana səhifə

Hadisə

Azərbaycan Ombudsmanı Qəzza bölgəsində aparılan hərbi əməliyyatları pisləyən bəyanat yayıb

12 yanvar 2009 07:26 (UTC +04:00)

Bu barədə APA-ya Ombudsman Aparatının mətbuat xidmətindən bildirilib.
Bəyanatda qeyd olunub ki, Azərbaycan Ombudsmanı Qəzzada günahsız mülki əhalinin, o cümlədən uşaq, qadın, ahıl və əlillərin ölümü ilə nəticələnən insan hüquqlarının, həmçinin yaşamaq hüququ və sülh hüququnun pozulmasından ciddi narahatdır: “Bölgədəki vəziyyət humanitar fəlakət həddinə çatıb. Bu bəyanatla biz dünya ictimaiyyətini və beynəlxalq təşkilatları baş verən hadisələrə çevik reaksiya verməyə, BMT Təhlükəsizlik Şurasının qətnaməsinə, BMT baş katibinin İnsan Hüquqları üzrə Ali Komissarının müraciətlərinə uyğun olaraq hərbi əməliyyatların dərhal dayandırılması və sülh danışıqlarının başlanması məqsədi ilə təxirəsalınmaz tədbirlər görməyə çağırırıq”.
Ombudsmanın müraciətində Fələstinin və bu kimi hallarda digər milli insan hüquqları təsisatlarının fəaliyyətinə dəstək verilməsinin və insan hüquqları pozuntusunun qarşısının alınmasında həmrəylik göstərməyin zəruriliyini qeyd edib.
Bəyanat BMT-nin baş katibi, Təhlükəsizlik Şurası, İnsan Hüquqları üzrə Ali Komissarı, Avropa Şurası və digər beynəlxalq təşkilatlara ünvanlanıb.