Hadisə

Ana səhifə

Hadisə

Azərbaycan paytaxtında saxlanan “avtoşlar” haqqında həbs qərarı çıxarılıb

23 yanvar 2009 15:34 (UTC +04:00)

Bakı. Hafiz Heydərov - APA. Azərbaycan paytaxtında keçirilən reyd zamanı saxlanılan “avtoş”ların barəsində həbs qərarı çıxarılıb. Bakı şəhər Baş Polis İdarəsindən APA-ya verilən məlumata görə, yanvarın 21-dən 22-nə keçən gecə Bakı şəhər Dövlət Yol Polisi İdarəsi, qurumun ictimai təhlükəsizlik idarəsi, Xətai rayon Dövlət Yol Polis İdarəsi, Xətai rayon Post Patrul Xidməti bölüyü və 37-ci Polis Bölməsi əməkdaşlarının Bakıda həyata keçirdiyi reyd zamanı avtoxuliqanlıqla məşğul olan bir qrup sürücü saxlanıb. Saxlanılan sürücülər Azərbaycan Respublikası İnzibati Xətalar Məcəlləsinin 296.1-ci (avtoxuliqanlıq) maddəsi ilə məsuliyyətə cəlb ediliblər. Onların bir neçəsi barəsində müxtəlif müddətlərə həbs qərarı çıxarılıb.

Məsuliyyətə cəlb edilən “avtoş”ların siyahısı

1. Fərzəliyev Samir İlham oğlu, 1987-ci il təvəllüdlü - “VAZ-2107”, 10 ZR 043, (Xətai rayon Məhkəməsi tərəfindən 5 günlük həbs cəzası verilib)
2. Ələkbərov Namiq Asif oğlu, 1988-ci il təvəllüdlü - “VAZ-2107”, 90 CE 537 (Xətai rayon Məhkəməsi tərəfindən 5 günlük həbs cəzası verilib)
3. Şəmiyev Etlas Mənsur oğlu, 1987-ci il təvəllüdlü - “VAZ-2107”, 10 UH 461 (Səbail rayon Məhkəməsi tərəfindən 5 günlük həbs cəzası verilib)
4. Baxışov Elgiz Çingiz oğlu, 1987-ci il təvəllüdlü - “VAZ-2107”, 90 ED 247 (Yasamal rayon Məhkəməsi tərəfindən 3 gün həbs cəzası verilib)
5. Şirinov Ayaz Yusif oğlu, 1981-ci il təvəllüdlü - “VAZ-2107”, 90 EF 081 (Nərimanov rayon Məhkəməsi tərəfindən 1 il müddətinə sürücülük hüququndan məhrum etmə və 400 manat cərimə)
6. Musayev Rail Musa oğlu, 1985-ci il təvəllüdlü - “VAZ-2107”, 10 TZ 665 (Xətai rayon Məhkəməsi tərəfindən 5 günlük həbs cəzası verilib)
7. Həsənov Orxan İsmayıl oğlu, 1987-ci il təvəllüdlü - “VAZ-2107”, 62 VE 621 (Xətai rayon Məhkəməsi tərəfindən 5 günlük həbs cəzası verilib)
8. Rzayev Elman Gülmirzə oğlu, 1985-ci il təvəllüdlü - “VAZ-2107”, 10 NO 627 (Xətai rayon Məhkəməsi tərəfindən 5 günlük həbs cəzası verilib)
9. Qafarov Rauf Eldar oğlu, 1965-ci il təvəllüdlü - “VAZ-2107”, 10 QS 023 (Sənədlər Sabunçu rayon Məhkəməsinə göndərilib).

Məlumatda həmçinin adıçəkilən şəxslərdən başqa daha iki nəfər avtoxuliqanın - Hüseynov Ülfət Mənsur oğlu (1982-ci il təvəllüdlü, idarə etdiyi a/m “VAZ-2107” 10-SL-403) və Paşayev Süleyman Adil oğlunun (1991-ci il təvəllüdlü, idarə etdiyi a/m Lexus 10-VA-010) sənədlərinin məhkəməyə göndərildiyi bildirilir. Ülfət Hüseynovun işi Nizami rayon Məhkəməsinə göndərilib, Süleyman Paşayev barədə isə Yasamal rayon məhkəməsi 1 il sürücülük hüququndan məhrumetmə və 400 manat məbləğində cərimə qərarı qəbul edib.

Bakı şəhər Baş Polis İdarəsi “avtoş”lara qarşı mübarizə tədbirlərini davam etdirir.