Ucarda baş verən avtoqəzada iki nəfər ölüb, biri ağır yaralanıb
05 mart 2012 21:42 (UTC +04:00)
Ucar. Elvin Yaqubov-APA. Bakı-Qazax yolunda iki nəfərin ölümü ilə nəticələnən avtomobil qəzası baş verib. APA-nın məlumatına görə hadisə martın 5-də axşam saat 22:00 radələrində magistral yolun Ucarın Qazıqumlax kəndi ərazisindən keçən hissəsində qeydə alınıb. Ucarın Qarabörk kənd sakini 1989-cu il təvəllüdlü Əliyev Səbuhi Əli oğlunun idarə etdiyi 61-BF-059 dövlət nömrə nişanlı “VAZ 2109” markalı minik maşını qarşı tərəfdən gələn Yevlax şəhər sakini, Milli Təhlükəsizlik Nazirliyinin əməliyyat müvəkkili, baş leytenant 1974-cü il təvəllüdlü Adıgözəlov Azər Qara oğlunun idarə etdiyi 10-XP-177 dövlət nömrə nişanlı “Mersedes-190” markalı minik maşını ilə toqquşub. Hadisə nəticəsində müxtəlif dərəcəli bədən xəsarətləri ilə Ucar Mərkəzi rayon Xəstəxanasının reanimasiya şöbəsinə yerləşdirilən “VAZ 2109”un sürücüsü Səbuhi Əliyevin və sərnişini Alpoud kənd sakini 1981-ci il təvəllüdlü Məmmədov Elşad Əliisa oğlunun həyatını həkimlər xilas edə bilməyiblər. Xəstəxanaya yerləşdirilən digər avtomobilin sürücüsü Azər Adıgözəlovun vəziyyəti orta ağırdır.
Faktla bağlı Ucar rayon Prokurorluğu tərəfindən araşdırma aparılır.
Faktla bağlı Ucar rayon Prokurorluğu tərəfindən araşdırma aparılır.
Hadisə
Qubada çörək sexində yanğın baş verib - FOTO
23:16
8 may 2024
Biləsuvarda "Prado" motoskletlə toqquşub, xəsarət alanlar var - YENİLƏNİB
20:25
8 may 2024
Həkimlərin talassemiyalı uşaqlara qarşı 1 milyon manatlıq dələduzluğu - Məhkəmə prosesi
19:20
8 may 2024
Qəbələdə subasma zamanı köməksiz vəziyyətdə qalmış 2 azyaşlı təxliyə edilib - VİDEO
19:17
8 may 2024