Qəsdən adam öldürmə və fərarilikdə ittiham olunan hərbçinin məhkəməsi keçiriləcək
20 fevral 2007 09:51 (UTC +04:00)
Ağır Cinayətlərə Dair İşlər üzrə Hərbi Məhkəmədə hakim Məmmədbağır Zeynalovun sədrliyi ilə qəsdən adam öldürmə və fərarilikdə ittiham olunan Azərbaycan Silahlı Qüvvələrinin hərbiçisi Ramin Bəbirovun məhkəməsi keçiriləcək. Bu barədə APA-ya məhkəmədən məlumat verilib. İttiham aktına görə, R. Bəbirov 1995-ci ildə hərbi xidmətə çağırılandan 8 ay sonra fərarilik edərək xidmətdən boyun qaçırıb və istintaqdan gizlənib. O, 2006-cı il avqustun 13-də Xırdalan qəsəbəsində kirayə yaşadığı evdə həyat yoldaşı Südabə Bəbirovanı qısqanclıq zəminində qətlə yetirib. R. Bəbirova qarşı Cinayət Məcəlləsinin 120.1-ci (qəsdən adam öldürmə, yəni digər şəxsi qəsdən həyatdan məhrum etmə) və 334.1-ci (fərarilik) maddələri ilə ittiham irəli sürülüb. Fevralın 23-də cinayət işi üzrə məhkəmənin hazırlıq iclası keçiriləcək. /APA/
Hadisə
Goranboyda inzibati binadan oğurluğa görə mühafizəçi saxlanılıb
17:41
6 may 2024
Naxçıvanın sabiq komitə sədrinin məhkəməsi başlayır
15:55
6 may 2024
Anasını öldürməkdə təqsirləndirilən şəxsin istintaqı tamamlanıb
15:53
6 may 2024
Lənkəranda saxta uduşlu lotoreya dələduzluğu aşkarlanıb
15:24
6 may 2024