Hadisə

Ana səhifə

Hadisə

Samir Məmmədovun valideynləri övladlarının erməni əsirliyindən qaytarılması üçün Azərbaycan prezidentindən kömək istəyirlər

04 aprel 2007 10:57 (UTC +04:00)

Bu barədə APA-ya açıqlamasında əsirin anası Təranə Məmmədova bildirib: “Prezidentdən xahiş edirik ki, övladımızın geri qaytarılmasına kömək etsin. Samir təkcə bizim yox, Azərbaycan xalqının övladıdır. Biz İlham Əliyevlə görüşüb? fikrimizi ona çatdıra bilməsək də, ondan son dərəcə xahiş edirik ki, oğlumuzun geri qaytarılmasında yardımçı olsun. Mən inanıram ki, Samir geri dönüb vətənə layiqincə xidmət edəcək.”
Əsirin anası Ermənistan dairələrinə istinadən oğlunun könüllü şəkildə əsir düşməsi haqda yayılan məlumatları qəbul etmədiklərini bildirib: “Bu xəbərlər mənə çox pis təsir edir. Samir şəhid olsaydı? bu qədər yanmazdım. Mənim oğlum heç vaxt vətənə xəyanət edə bilməz. Biz erməni təbliğatına inanmırıq. Samir həddindən artıq vətənpərvər oğlandır. Onun ən böyük arzusu hərbçi olub, vətənə xidmət etmək idi”.
Əsirin atası Nazim Məmmədov isə APA-ya bildirib ki, Samirdən sonuncu dəfə martın 12-də məktub alıblar. Valideynlərində olan məlumata görə, S. Məmmədov İrəvandakı “Keptron” təcridxanasında saxlanılır.
Qeyd edək ki, əsirin valideynləri və əmisi Vidadi Məmmədov bu gün “Həsrət yolu” İctimai Birliyinin sədri Esmira Orucova ilə görüşüblər. Onlar Ombudsmanla və Əsir və girov götürülmüş, itkin düşmüş vətəndaşlarla iş üzrə Dövlət Komissiyasında görüş keçirmək niyyətində olduqlarını bildiriblər.
Xatırladaq ki, S. Məmmədov ötən il dekabrın 24-də əsir götürülüb. /APA/