Hadisə

Ana səhifə

Hadisə

Erməni əsirliyində olmuş Vüsal Qaracayevin cinayət işi üzrə məhkəmənin hazırlıq iclası aprelin 19-da keçiriləcək

12 aprel 2007 11:45 (UTC +04:00)

Aprelin 19-da Ağır Cinayətlərə Dair İşlər üzrə Hərbi Məhkəmədə hakim Camal Ramazanovun sədrliyi ilə Müdafiə Nazirliyinin “N” saylı hərbi hissəsinin əsgəri Vüsal Məmməd oğlu Qaracayevin cinayət işi üzrə məhkəmənin hazırlıq iclası keçiriləcək. Məhkəmədən APA-ya verilən məlumata görə, Vüsal Qaracayevə Cinayət Məcəlləsinin 274-cü (dövlətə xəyanət), 334.3-cü (fərarilik) və 338.1-ci (döyüş növbəsi çəkmə qaydalarını pozma) maddələri ilə ittiham irəli sürülüb.
Qeyd edək ki, 2005-ci ildə Balakən rayon Hərbi Komissarlığından hərbi xidmətə çağırılmış 1985-ci il təvəllüdlü V. Qaracayev 2006-cı il dekabrın əvvəllərində xidmət etdiyi hərbi hissənin ərazisində döyüş növbəsi çəkərkən ermənilərə əsir düşüb. O, dekabrın 31-də Beynəlxalq Qırmızı Xaç Komitəsinin xətti ilə əsirlikdən qaytarılıb. Əsirlikdən qaytarıldıqdan sonra hüquq-mühafizə orqanları onun barəsində araşdırma aparıb və V. Qaracayev il yanvarın 27-də həbs edilib. /APA/