Hadisə

Ana səhifə

Hadisə

Yevlaxda baş verən yol-nəqliyyat hadisəsi zamanı xəsarət alanlardan daha bir nəfəri dünyasını dəyişib

04 iyun 2007 09:54 (UTC +04:00)

Yevlaxda baş verən yol-nəqliyyat hadisəsi zamanı xəsarət alanlardan biri bu gecə dünyasını dəyişib. APA-nın Qarabağ bürosunun məlumatıma görə, dünyasını dəyişən şəxs ağır vəziyyətdə Yevlax Mərkəzi Rayon Xəstəxana çatdırılan 1974-cü il təvəllüdlü Şahməmmədov Yusif Abbas oğludur.
Qeyd edək ki, ötən gün saat 14.00 radələrində Yelax şəhər Heydər Əliyev prospektində yanğınsöndürən maşınla minik avtomobilinin toqquşması nəticəsində 3 nəfər həlak olmuş, 3 nəfər isə yaralanmışdı. Yevlax rayon sakini Tatanov Əli Paşa oğlunun idarə etdiyi 66 AC 371 dövlət nömrə-nişanlı “ZİL-130” markalı yanğınsöndürən maşın Abdullayev Arif Aslan oğlunun idarə etdiyi 66 BV 330 dövlət nömrə nişanlı “VAZ-2106” markalı maşınla toqquşub. Nəticədə Əli Tatanov, “VAZ-2106”-ın sərnişinləri - Kəlbəcər sakinləri Şahməmmədov Eldar Abbas oğlu və Şahməmmədova Güllü İman qızı hadisə yerində keçiniblər. “ZİL 130”-da olan Yanğın Təhlükəsizliyi Xidmətinin əməkdaşı Əsgərov Yavər Vaqif oğlu, “VAZ-2106”-da olan Şahməmmədov Yusif Abbas oğlu və Abdullayev Arif Aslan oğlu isə ağır vəziyyətdə xəstəxanaya çatdırılıblar. Faktla bağlı Yevlax rayon Prokurorluğunda cinayət işi başlanıb, araşdırma aparılır. /APA/