Hadisə

Ana səhifə

Hadisə

Yol qəzalarında 5 nəfər həlak olub

29 noyabr 2007 12:23 (UTC +04:00)

Qaradağ rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, rayonun Lökbatan qəsəbəsində Bayram Əliyevin idarə etdiyi “Ford” markalı və İmişli rayon sakini Asəf Hüseynovun idarə etdiyi “Ford” markalı avtomaşınlar toqquşub. Nəticədə B. Əliyevin sərnişinlərindən Bakı şəhər sakini Gülümsər Musayeva hadisə yerində ölüb, özü və digər sərnişinləri - Lökbatan qəsəbə sakinləri Asiman Mustafayev, Rövşən Mikayılov və Firudin Məlikov xəsarətlə xəstəxanaya yerləşdiriliblər. Faktla bağlı Qaradağ RPİ-də araşdırma aparılır.
Gəncə şəhərində Namiq Abbasov idarə etdiyi “Mercedes” markalı avtomaşınla 30-35 yaşlı kişini vurub. Nəticədə həmin kişi hadisə yerində keçinib. Faktla bağlı Kəpəz RPŞ-də əməliyyat-axtarış tədbirləri aparılır.
Tovuz rayonunda Abulbəyli kənd sakini Arif Məmmədov idarə etdiyi “QAZ-51” markalı avtomaşınla həmyerlisi Səadət Fərzanini vurub. Nəticədə S. Fərzani hadisə yerində həlak olub. Faktla bağlı Tovuz RPŞ-də araşdırma aparılır.
Sumqayıt şəhərində Ağsu rayon sakini Sabir Abbasov idarə etdiyi “VAZ-2106” markalı avtomaşınla İmişli rayon sakini Validə Bayramovanı vurub. Nəticədə xəsarətlə xəstəxanaya yerləşdirilmiş V. Bayramova orada vəfat edib. Faktla bağlı Sumqayıt ŞPİ-də araşdırma aparılır.
Biləsuvar rayonunda Cəbrayıl rayon sakinlərinin məskunlaşdıqları ərazidə Bərdə rayon sakini Kamal Bayramovun idarə etdiyi “QAZ-53” markalı və Cəbrayıl rayon sakini Elçin Sadıqovun idarə etdiyi “VAZ-2107” markalı avtomaşınlar toqquşub. Nəticədə xəsarətlə xəstəxanaya yerləşdirilmiş E. Sadıqov orada dünyasını dəyişib. Faktla bağlı Biləsuvar RPŞ-də araşdırma aparılır. /APA/