Hadisə

Ana səhifə

Hadisə

Lənkəranda ölümlə nəticələnən yol qəzası baş verib

04 dekabr 2007 07:57 (UTC +04:00)

Ələt-Astara avtomobil yolunun 192-ci kilometrliyində bir nəfərin ölümü, iki nəfərin müxtəlif dərəcəli bədən xəsarəti alması ilə nəticələnən ağır yol-nəqliyyat qəzası baş verib. APA-nın Cənub bürosunun məlumatına görə, hadisə Lənkəran rayonunun Ürgə kəndi ərazisində qeydə alınıb. Sumqayıt şəhər sakini, 25 yaşlı Elnur Əkbərovun idarə etdiyi “VAZ-2107” markalı, 42 BA 602 dövlət nömrə nişanlı avtomobil İran İslam Respublikasının Ərdəbil vilayət sakini, 43 yaşlı Fərudin Əsdərinin idarə etdiyi “SKANİYA” markalı THR 47 547 nömrə nişanlı yük maşını ilə toqquşub. Nəticədə “VAZ 2107” markalı maşının sürücüsü yerindəcə keçinib. Avtomaşında olan digər sərnişinlər - 21 yaşlı Zamin Babayev və 25 yaşlı Emin Rəsulov müxtəlif dərəcəli bədən xəsarəti ilə Lənkəran mərkəzi rayon xəstəxanasının travmatologiya şöbəsinə yerləşdiriliblər. Xəstəxanadan APA-nın Cənub bürosuna bildirilib ki, qapalı kəllə-beyin travması almış hər iki yaralı üzərində cərrahiyyə əməliyyatı aparılıb, hazırda onların vəziyyətləri orta-ağırdır. İlkin versiya kimi hadisəyə səbəb iranlı sürücünün yolun soluna çıxması və qarşıdan gələn avtomaşın üçün qəza vəziyyəti yaratması, eləcə də “VAZ 2107” markalı maşının yüksək sürətlə hərəkət etməsi göstərilir. Fakt üzrə Lənkəran şəhər Polis Şöbəsində cinayət işi açılıb, araşdırma aparılır. /APA/