Hadisə

Ana səhifə

Hadisə

4 yol qəzasında 3 nəfər ölüb

07 dekabr 2007 13:43 (UTC +04:00)

Sabunçu rayonunda ölümlə nəticələnən yol-nəqliyyat hadisəsi baş verib. Daxili İşlər Nazirliyinin mətbuat xidmətindən APA-ya verilən məlumata görə, rayonun Balaxanı qəsəbəsində, Ramana qəsəbə sakini Çingiz Cəlilovun idarə etdiyi “KamAZ” və Suraxanı qəsəbə sakini Siyavuş Cəfərovun idarə etdiyi “Mercedes” markalı avtomaşınlar toqquşub. Nəticədə xəsarət almış S. Cəfərov və onun həyat yoldaşı Leyla xəstəxanaya yerləşdirilib. S. Cəfərov orada dünyasını dəyişib. Faktla bağlı Sabunçu RPİ-də araşdırma aparılır.
Binəqədi rayonundakı C. Xəndan küçəsində Bakı şəhər sakini İlham Alıyev idarə etdiyi “Mercedes” markalı avtomaşınla Ağdam rayon sakini Elşən Həsənovu vurub və hadisə yerindən qaçıb. Nəticədə xəsarət almış E. Həsənov xəstəxanaya yerləşdirilib. Binəqədi RPİ-nin 5-ci polis bölməsi əməkdaşlarının keçirdiyi əməliyyat tədbirləri nəticəsində İ.Alıyev tutulub. Faktla bağlı Binəqədi RPİ-də araşdırma aparılır.
Sabunçu rayonunun Zabrat qəsəbəsində müəyyən edilməmiş avtomaşınla 30-40 yaşlı qadın vurulub. Nəticədə həmin qadın hadisə yerində keçinib. Faktla bağlı Sabunçu RPİ-də əməliyyat-axtarış tədbirləri aparılır.
Oğuz rayonunun Xaçmaz kəndində Kamran Hüseynov idarə etdiyi “VAZ-2103” markalı avtomaşınla həmkəndlisi Əbdüləli Siyahovu vurub. Nəticədə Ə. Siyahov hadisə yerində ölüb. Faktla bağlı Oğuz RPŞ-də araşdırma aparılır. /APA/