Hadisə

Ana səhifə

Hadisə

Ölkənin avtomobil yollarında dörd nəqliyyat hadisəsi qeydə alınıb

25 dekabr 2007 13:11 (UTC +04:00)

Dekabrın 24-də ölkənin avtomobil yollarında dörd nəqliyyat hadisəsi qeydə alınıb. Azərbaycan Daxili İşlər Nazirliyinin mətbuat xidmətindən APA-ya verilən məlumata görə, Balakən rayonunun Poştbinə kənd sakini Yusif Xəlilov idarə etdiyi “QAZ-66” markalı, dövlət qeydiyyat nişanı olmayan maşını kənddəki meşə zolağında aşırıb. Nəticədə Y. Xəlilov aldığı xəsarət nəticəsində hadisə yerində keçinib. İsmayıllı rayonunun Qubaxəlilli kəndində, Ağsu rayon sakini Yaqub Həşimovun idarə etdiyi “Mercedes” markalı və Tərtər rayon sakini Cahanda Tanrıverdiyevin idarə etdiyi “VAZ-2106” markalı maşınlar toqquşub. Nəticədə “VAZ-2106”-ın sərnişini, Göyçay rayon sakini Faiq İbrahimov hadisə yerində keçinib, xəsarət almış sürücü C. Tanrıverdiyev isə xəstəxanaya yerləşdirilib. Göyçay rayonunun Cəyirli kəndində rayon sakini Mirzəağa Şəmiyev idarə etdiyi “Hunday” markalı avtomobili qarşıda gedən, həmyerlisi Nəzər İsayevin idarə etdiyi “MTZ” markalı traktorun qoşqusuna vurub. M. Şəmiyev aldığı xəsarətdə nəticəsində hadisə yerində keçinib. Binəqədi şosesində isə Bakıxanov qəsəbə sakini Yaqub Muxtarovun idarə etdiyi “Kamaz” markalı və Binəqədi qəsəbə sakini Zamin Quliyevin idarə etdiyi “VAZ-2107” markalı maşınlar toqquşub. Nəticədə xəsarətlə alan Z. Quliyev yerləşdirildiyi xəstəxanada keçinib. Hər dörd fakt üzrə araşdırma aparılır. /APA/