Bakıda yaşayış binasında baş verən partlayışla bağlı araşdırma gedir.
APA-nın xəbərinə görə, faktla bağlı Nəsimi rayon prokurorluğunda araşdırma aparılır.
Partlayış nəticəsində ölən şəxsin 1992-ci il təvəllüdlü Ömər Məhərrəmli olduğu bildirilir.
Partlayışda xəsarət alan 2004-cü il təvəllüdlü N.Əliyev və 1986-cı il təvəllüdlü Q.İslamov xəstəxanaya yerləşdirilib.
Emin Şirvanzadə
***
16.13
Bakıda binada partlayış olub.
APA-nın əldə etdiyi məlumata görə, hadisə Nəsimi rayonu 4-cü mikrorayon ərazisində baş verib.
Partlayış 17 mərtəbəli binanın 15-ci mərtəbəsində evdə kondisionerin təmiri zamanı qeydə alınıb. İlkin məlumata görə, partlayış kondisionerin mühərrikinə qaz dolduranda baş verib. Ölən şəxsin usta olduğu, daha iki ustanın xəsarət aldığı bildirilir.
TƏBİB-dən APA-nın sorğusuna cavab olaraq bildirilib ki, bu gün saat 14:20 radələrində Respublika Təcili və Təxirəsalınmaz Tibbi Yardım Mərkəzinə Bakı şəhəri, Nəsimi rayonu, 4-cü mikrorayon ərazisindən çağırış qeydə alınıb.
Qeyd edilib ki, çağırış ünvanına təcili tibbi yardım briqadası cəlb olunub: "Təcili tibbi yardım briqadası tərəfindən 34 yaşlı şəxsin (kişi) həkiməqədər ölüm faktı qeydə alınıb. Hadisə nəticəsində daha iki nəfərə - 40 yaşlı (kişi) və 29 yaşlı (qadın) şəxsə yerində tibbi yardım olunub".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
