Gəncədə xəstəxanada baş verən yanğın zamanı 148 nəfər təxliyə olunub.
APA-nın yerli bürosu xəbər verir ki, bunu FHN-nin Gəncə şəhər Dövlət Yanğın Mühafizə İdarəsinin rəis müavini, daxili xidmət polkovnik Fuad Hüseynov deyib.
Qeyd olunub ki, bu gün Gəncə şəhər Dövlət Yanğın Mühafizə İdarəsinə 09:52 radələrində Abbas Səhhət adına xəstəxanada yanğın baş verməsi barədə məlumat daxil olub.O bildirib ki, dərhal hadisə yerinə yanğınsöndürən avtomobillər və şəxsi heyət cəlb olunub: “Hadisə yerinə yanğınsöndürən avtomobillər 09:58-də çatıb. Hadisə yerində çatanda məlum olub ki, xəstəxananın zirzəmisində yerləşən 3 ədəd elektrik şitində yanğın olub və tüstülənmə baş verib. Tüstülənmə xəstəxananın 5 mərtəbəsinə də yayılıb. Dərhal yanğın tərəfimizdən söndürülüb və xəstələr təxliyə olunub. 58 nəfər xəstə və 90 nəfər xəstəxananın işçisi təxliyə edilib. Hadisə nəticəsində 1 nəfər xəstə vəfat edib. Hazırda hadisə ilə bağlı araşdırma aparılır”.
FHN rəsmisi qeyd edib ki, hadisə yerinə 5 ədəd yanğınsöndürən avtomobil, 50 nəfər şəxsi heyət cəlb edilib. Bundan əlavə, regional idarənin xüsusi riskli xilasediciləri əraziyə cəlb olunub.
Səlcuq Elçin
Fuad Nazimoğlu
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
