Lənkəranda 56 yaşlı kişini elektrik cərəyanı vuraraq öldürüb.
APA-nın cənub bürosunun verdiyi xəbərə görə, hadisə rayonun Girdəni kəndi ərazisində qeydə alınıb. 1967-ci il təvəllüdlü kənd sakini Rövşən Dədəxan oğlu Yüzbaşıyev balıq tutmaq məqsədi ilə əlində olan qırmağı kanala atmaq istəyib. Bu zaman onun qırmağı yüksək gərginlikli elektrik xəttinə toxunub. Onu elektrik cərəyanı vurub və hadisə yerində ölüb.
Qeyd edək ki, kanalın yaxınlığından yüksək gərginlikli elektrik xətti keçir və elektrik xətlərinin yerlə məsafəsi azdır.
Faktla bağlı Rayon Prokurorluğunda araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
