Mingəçevirdə yol-nəqliyyat hadisəsi baş verib.
APA-nın yerli müxbirinin məlumatına görə, hadisə şəhər ərazisində qeydə alınıb.
Belə ki, “Hyundai” və “VAZ-2106” markalı minik avtomobillərinin toqquşması nəticəsində "VAZ-2106" avtomobilinin sürücüsü, Yevlax rayonunun Havarlı kənd sakini, 2004-cü il təvəllüdlü Əliyev Xalid Rövşən oğlu, eləcə də onun sərnişinləri - 2003-cü il təvəllüdlü Şükürov Sahil və 2005-ci il təvəllüdlü Şükürov Sənan xəsarət alıblar.
Yaralılar Mingəçevir Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
Mingəçevir Şəhər Mərkəzi Xəstəxanasından APA-ya verilən məlumata görə, dekabrın 21-də baş verən yol-nəqliyyat hadisəsi ilə əlaqədar saat 22:00 radələrində 3 nəfər (kişi) Mingəçevir Şəhər Mərkəzi Xəstəxanasının Təcili tibbi yardım şöbəsinə hospitalizasiya olunub.
Müxtəlif bədən xəsarətləri alan pasiyentlərə zəruri tibbi xidmətlər göstərilib. Vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
