Xaçmaz rayonunda itkin düşən məktəbli qardaşlar tapılıb.
APA-nın xəbərinə görə, 3 gün əvvəl itkin düşən 16 yaşlı Nicat Muradov və qardaşı 13 yaşlı Kənanın yeri müəyyən edilib.
Onların atası Tural Muradovun APA-ya verdiyi məlumata görə, uşaqlar Xaçmaz ərazisində tapılıblar.
Onlar ailələrinə təhvil verilib.
DİN-in mətbuat xidmətinin Quba regional qrupundan uşaqların tapılması barədə məlumatı təsdiq ediblər.
***
11.07
DİN Xaçmazda itkin düşən iki qardaşın axtarışı barədə məlumat yayıb.
DİN-in Mətbuat Xidmətinin Quba regional qrupundan APA-ya verilən məlumata görə, Xaçmaz rayon sakinləri 16 yaşlı Nicat Muradov və qardaşı 13 yaşlı Kənan aprelin 20-də təhsil aldıqları Xaçmaz rayon 9 saylı tam orta məktəbdən çıxdıqdan sonra onları görən olmayıb, eləcə də yaşadıqları evə bir daha geri qayıtmayıblar.
Şəkildə gördüyünüz şəxsləri görənlərdən və barələrində məlumatı olanlardan DİN-in "102 - Xidməti Zəng Mərkəzi”nə, həmçinin Xaçmaz Rayon Polis Şöbəsinin (2332)5-53-56 şəhər nömrəsinə zəng edərək məlumat vermələri xahiş olunur.
***
10.34
Xaçmazda iki məktəbli itkin düşüb.
APA-nın şimal bürosunun verdiyi məlumata görə, Xaçmaz şəhər sakinləri, 9 saylı məktəbin 10-cu sinif şagirdi Nicat Muradov və onun qardaşı, 7-ci sinif şagirdi Kənan 3 gün öncə dərsdən çıxıb və evə qayıtmayıblar.
Onları görən şəxslərdən bu barədə polisə və ya (055/070) 234-50-30 mobil nömrələrinə məlumat vermələri xahiş olunur.
Sail Ağasəlim
Vəli Turan
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
