Hərbi

Ana səhifə

Hərbi

Azərbaycan hərbçiləri bir sıra tədbirlərdə iştirak edəcəklər

19 iyun 2010 07:21 (UTC +04:00)

Bakı-APA. Azərbaycanla ABŞ arasında imzalanan iş planına əsasən iyunun 21-24-də Bakıda Çavuş hazırlığı kursu keçiriləcək. Bu barədə APA-ya Müdafiə Nazirliyinin mətbuat xidmətindən bildirilib. Bu plana əsasən Bakıda Bölmələrdə Döyüş hazırlığının təşkili və idarə olunması üzrə seminar da olacaq.
Azərbaycanla Türkiyə ikitərəfli əməkdaşlıq planına əsasən “İpək Yolu-2010” general-admiral seminarı İstanbulda baş tutacaq.
İş planı çərçivəsində 21-23 iyun tarixlərində C. Naxçıvanski və H. Əliyev adına hərbi liseylərin nümayəndə heyətinin Türkiyə hərbi liseylərinin buraxılış mərasimlərində iştirakı
İstanbulda keçiriləcək.
Daha sonra plana əsasən Ankarada Azərbaycan-Türkiyə Hərbi Dəniz Qüvvələrinin (HDQ) əməkdaşlıq toplantısı olacaq.

Azərbaycanla NATO arasında imzalanmış Fərdi Tərəfdaşlıq Planına (FTP) əsasən
21-25 iyunda Bakıda NATO-nun Lissabondakı Birləşmiş Qərargahının Mobil Təlim Qrupu tərəfindən “Əməliyyat Planlaşdırma Prosesi” mövzusunda təlim kursu gerçəkləşəcək.

FTP-dən əlavə olaraq, 22-24 iyunda NATO/SNT Konsorsiumu tərəfindən “Müdafiə Təlimçiləri proqramı” Sloveniyanın Lyublyana şəhərində olacaq.
İyunun 22-24də isə Polşa Hərbi Attaşesinin, 22-26 iyunda Belçika Hərbi Attaşesinin
iyunun 30-da isə Fransanın Hərbi Attaşesinin Azərbaycana səfəri olacaq.

Azərbaycan-Polşa ikitərəfli əməkdaşlıq planına əsasən iyunun 23-25-də Hərbi əməkdaşlıq üzrə ikitərəfli danışıqların aparılması məqsədilə Varşavaya səfər
baş tutacaq. Hərbi Attaşelər üçün hərbi hissələrin ziyarəti
24-27 iyunda Slovakiyanın Presov şəhərinə olacaq.

NATO Mülki – Hərbi Əməkdaşlıq Qərargahı üzrə kurs Almaniyanın Oberammerqau şəhərində iyunun 28-də başlayacaq.

Azərbaycan-Almaniya ikitərəfli əməkdaşlıq proqramına əsasən Kadrların idarə edilməsi üzrə ekspert danışıqları Kölndə baş tutacaq.

FTP-yə əsasən iyunun 30-da NATO-nun İzmirdəki Hərbi Hava Qüvvələri (HHQ) Komponent Komandanlığının Ekspert Qərargah görüşü Bakıda düzənlənəcək.