"Bu ildən etibarən Ali Hərbi Məktəbdə 1-ci kursa qəbul olan kursantlar bakalavr səviyyəsi ixtisaslarının təsnifatına müvafiq 10 yeni ixtisas üzrə təhsil alır.
APA-nın xəbərinə görə, bunu Heydər Əliyev adına Azərbaycan Ali Hərbi Məktəbin rəisi, general-mayor Füzuli Salahov deyib.
General qeyd edib ki, beynəlxalq təhsil standartlarına cavab verən tədris metodikası ilə kursantlara hərb elminin incəlikləri öyrədilir: “Ali Hərbi Məktəbdə “xüsusi təyinatlı texnika və sistemlər” ixtisası üzrə bakalavr səviyyəsində mütəxəssislər hazırlanır. Məktəbdə 4 fakültə və 21 kafedra fəaliyyət göstərir”.