Müdafiə Nazirliyi Beynəlxalq Qızıl Xaç Komitəsinin Azərbaycandakı nümayəndəliyi ilə birgə 2021-ci ilin fəaliyyət planı çərçivəsində hərbi qulluqçular üçün Beyləqan, Bərdə və Gəncə şəhərlərində beynəlxalq humanitar hüquq mövzusunda seminarlar təşkil edib.
Müdafiə Nazirliyindən APA-ya verilən məlumata görə, seminarlarda beynəlxalq humanitar hüququn əsasları, norma və prinsipləri, eləcə də münaqişə zonalarında onların tətbiq edilməsinin əhəmiyyəti barədə hərbi qulluqçulara ətraflı məlumat verilib.
Eyni zamanda, döyüş əməliyyatları gedən ərazilərdə mülki əhalinin təhlükəsizliyinin təmin edilməsi, hərbi əsirlərlə davranış qaydaları, eləcə də Cenevrə Konvensiyalarının digər tələblərinə dair fikir mübadiləsi aparılıb.
Sonda iştirakçıları maraqlandıran suallar cavablandırılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
