İncəsənət

Ana səhifə

İncəsənət

“100 saniyəlik film” müsabiqəsi başa çatıb

24 iyun 2008 12:11 (UTC +04:00)

Bakı. Ülkər Qasımova - APA. “Yeni Dalğa” Prodüser Mərkəzinin təşkilatçılığı ilə ilk dəfə keçirilən “100 saniyəlik film” müsabiqəsi başa çatıb. Mərkəzin direktoru Rasim Həsənov APA-ya bildirib ki, müsabiqəyə təqdim olunan 70 ssenaridən 10-u qalib seçilib və bu ssenarilər əsasında film çəkilişləri başlayıb. Müsabiqədə “Pilpilə” (rejissoru və ssenari müəllifi Tərlan Manafov), “Üşüyən ümid” (ssenari müəllifi Səbuhi Şahmurad, rejissoru Samir Qulamov), “Veriliş” (ssenari müəllif və rejissoru Adil Nəsibov), “Rəqs” (ssenari müəllifi və rejissoru Mirsadıq Ağazadə), “Gərəksiz etüdlər” (ssenari müəllifi Səbuhi Şahmurad, rejissoru Həsən Sədi), “Seqnot” (ssenari müəllifi Yelena Həsənova, rejissoru Kəmalə Rzayeva), “Part” (ssenari müəllifi İradə Səyya, rejissoru Ramiq Mehdi), “Harmoniya” (ssenari müəllifi və rejissoru Vaqif Azəryar), “Sızanaqlar” (ssenari müəllifi və rejissoru Ələkbər Əliyev) və “Yoqzi” (ssenari müəllifi və rejissoru Elçin Əsədov) ssenariləri qalib gəlib. R. Həsənov deyib ki, artıq 100 saniyəlik “Pilpilə” filmi hazırdır. Mərkəz rəhbəri filmlərin müxtəlif beynəlxalq səviyyəli müsabiqələrə göndəriləcəyini söyləyib.