İncəsənət

Ana səhifə

İncəsənət

Türkiyədə yaşayan azərbaycanlı aktrisa Bursada keçirilən kinofestivalda “Ən yaxşı qadın rolu” nominasiyasının qalib olub - FOTO

Türkiyədə yaşayan azərbaycanlı aktrisa Bursada keçirilən kinofestivalda “Ən yaxşı qadın rolu” nominasiyasının qalib olub - <font color=red>FOTO</font>

19 dekabr 2008 14:34 (UTC +04:00)

Bakı. Ülkər Qasımova - Bakı. Hazırda Türkiyədə yaşayan azərbaycanlı Nəsrin Cavadzadə Bursada keçirilən III Beynəlxalq “İpək Yolu” Kinofestivalında “Ən yaxşı qadın rolu” nominasiyasında qalib elan olunub. APA-nın məlumatına görə, N. Cavadzadə bu nominasiyaya “Dilbərin 8 günü” filmindəki roluna görə layiq görülüb. Beynəlxalq “İpək Yolu” Kinofestivalı üç ildir, həyata keçirilir.

III “İpək Yolu” Kinofestivalının münsiflər heyətində türk kinosunun simvoluna çevrilmiş Hülya Koçyigit, bir zamanlar “Kurtlar Vadisi”, indi isə “Doludizgin illər” serialından tanınan rejissor Osman Sınav və digər tanınmış kino ustaları təmsil olunublar.

Açılış mərasimində fəxri qonaqlar arasında dünyanın ən məşhur gənc aktyorlarından biri - meksikalı Qael Qarsiya Bernal da olub. Festivalda müxtəlif nominasiyalar üzrə 35 ölkədən 120-yə yaxın film iştirak edib. Festival çərçivəsində ilk dəfə gerçəkləşdirilən “Beynəlxalq Altın Qaragöz Film Müsabiqəsi” tam və qısametrajlı film nominasiyalarında və “Milli Altın Qaragöz Film Müsabiqəsi” tam və qısametrajlı film nominasiyalarında qalib elan edilən filmlərə mükafatlar təqdim edilib.

“Beynəlxalq Tammetrajlı Film Müsabiqəsi”ndə macarıstanlı rejissorların çəkdiyi “İz sürücü” adlı film “Ən yaxşı film” seçilərək “Altın Qaragöz” mükafatı ilə birlikdə 40 min ABŞ dolları qazanıb. Ən yaxşı ssenari, kişi və qadın rolları, rejissor nominasiyalarında da qaliblər müəyyən edilib. “Milli Altın Qaragöz Tammetrajlı Film Müsabiqəsi”ndə isə Raşit Çelikezerin çəkdiyi “Göydən üç alma düşdü’ adlı filmi qalib gəlib. Nəsrin Cavadzadə tammetrajlı filmlər üzrə ən yaxşı qadın rolunun ifaçısı seçilib.

1982-ci ildə Bakıda anadan olan Nəsrin Cavadzadə 1992-ci ildə ailəsi ilə birlikdə Türkiyəyə köçüb. Mərmərə Universitetində kino və televiziya fakültəsini bitirən N. Cavadzadə iki il aktyorluq təhsilini davam etdirdikdən sonra 2007-ci ildə Türkiyənin ATV kanalının “Yersiz, yurdsuz” televiziya serialında oynayıb. Daha sonra Hüseyn Karabeyin “Getmək” filmi də daxil olmaqla, bir neçə ekran əsərində çəkilib.

Nəsrin_Cavadzadə