USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Ana səhifə

İncəsənət

Azərbaycanı “Eurovision-2009” mahnı müsabiqəsində təmsil edəcək şəxsin adı açıqlanıb – YENİLƏNİB FOTOSESSİYA

Azərbaycanı “Eurovision-2009” mahnı müsabiqəsində təmsil edəcək şəxsin adı açıqlanıb – <font color=red>YENİLƏNİB FOTOSESSİYA</font>

17 yanvar 2009 09:49 (UTC +04:00)

APA-nın məlumatına görə, təmsilçinin adı bu gün İctimai Televiziya və Radio Verilişləri Şirkətində keçirilən mətbuat konfransında açıqlanıb. Beləliklə, may ayında Rusiyanın paytaxtı Moskva şəhərində keçiriləcək “Eurovision-2009” mahnı müsabiqəsində Azərbaycanı “Yeni ulduz-4” yarışmasının iştirakçısı olmuş Aysel Teymurzadə təmsil edəcək.

Mətbuat konfransında çıxış edən “Eurovision-2009” yarışmasının Azərbaycan nümayəndə heyətinin mətbuat katibi Leyla Əliyeva bildirib ki, təmsilçi İTV-nin baş direktoru İsmayıl Ömərov, Bakı Musiqi Akademiyasının rektoru Fərhad Bədəlbəyli, Azərbaycan Mədəniyyətinin Dostları Fondunun icraçı direktoru İbrahim Quliyev, Beynəlxalq Musiqi Şurasının Azərbaycan Milli Musiqi Komitəsinin prezidenti Lalə Kazımova, Azərbaycan Dövlət Filarmoniyasının direktoru Murad Adıgözəlzadə, Mədəniyyət və Turizm Nazirliyinin sektor müdiri Mənzər Nurəliyeva və Gənclər və İdman Nazirliyinin nümayəndəsi Fərhad Hacıyevdən ibarət 7 nəfərlik münsiflər heyəti tərəfindən 40 iddiaçı arasından seçilib. 2008-ci il oktyabrın 24-25-də İTV-nin binasında keçirilən iki turdan ibarət milli seçimlərdə 40 müğənni iştirak edib, münsiflər heyəti isə 19 yaşlı Aysel Teymurzadə üstünlük verib. Milli seçimlərə əsasən televiziyalarda keçirilmiş müxtəlif mahnı müsabiqələrinin – “Yeni ulduz”, “Azəri star”, “Sing Your Song”un iştirakçıları qatılıblar. İctimai Televiziyanın böyük zalında keçirilən seçim turlarına gələn sənətçilərin ifaları lentə alınıb. Münsiflər heyəti həmin videoyazını dönə-dönə izləyib, diskussiyalar aparıb. Heyətin son toplantısı zamanı yekdil qərar qəbul olunub və 54-cü “Eurovision-2009” mahnı müsabiqəsində Azərbaycan təmsilçisi olaraq Aysel Teymurzadə seçilib.

L. Əliyeva deyib ki, münsiflər heyətinin rəyinə əsasən Aysel Teymurzadə “Eurovision” səhnəsində çıxış etmək üçün bütün keyfiyyətlərə malikdir: “Söhbət xarici görünüş, xarizma, rəqs, səs imkanları, dünyagörüşü və xarici dil bilgilərindən gedir. Aysel kastinqlər zamanı bir neçə kompozisiya ifa etmişdi. Bura həm dünya, həm də Azərbaycan mahnıları daxil idi. Hazırda münsiflər heyətinin qarşısında duran əsas məsələ “Eurovision” səhnəsində Azərbaycanı təmsil edəcək ifaçıya uyğun olacaq və ölkəmizi layiqincə təmsil edəcək mahnının seçilməsidir. Odur ki, təşkilat komitəsi həm yerli, həm də xarici bəstəkarlara üz tutub yeni, orijinal, məhz “Eurovision” üçün yazılmış mahnı qəbulunu rəsmən elan edir. Mahnı müsabiqənin formatına uyğun, yaddaqalan və orijinal olmalıdır”.

L. Əliyevanın sözlərinə görə, mahnılar fevralın 1-nə kimi İTV-yə təqdim olunmalı, Azərbaycanı müsabiqədə təmsil edəcək ifaçı və mahnı martın ortalarında Avropa Yayım Birliyinə bildirilməlidir. Ötən il olduğu kimi, bu il də Azərbaycanın “Eurovision”da uğurlu çıxışını təmin etmək üçün bu sahədə böyük təcrübəsi olan Ukraynanın “Euro Media” piar şirkətinə müraciət edilib. Müsabiqədə Azərbaycan təmsilçisinin hansı nömrə altında çıxış edəcəyi yanvarın 30-da keçiriləcək püşkatma zamanı məlum olacaq.

Azərbaycan təmsilçisi Aysel Teymurzadə özünə çox güvəndiyini bəyan edib: “Azərbaycanın bayrağını göylərə qaldırmaq üçün əlimdən gələni əsirgəməyəcəyəm. Birinci olacağıma əminəm. Çünki bu gücü özümdə hiss edirəm. Artıq məlum olan rəqiblərimi də tanıyıram və hesab edirəm ki, hamısından güclüyəm”. Bir il ABŞ-da yaşadığını söyləyən A. Teymurzadə bu ölkədə keçirilən beynəlxalq müsabiqələrdə uğurla çıxış etdiyini və müsabiqələrin birində qızıl medal qazandığını da vurğulayıb.

Xatırladaq ki, Moskvada keçiriləcək “Eurovision-2009” yarışmasının birinci yarımfinalı mayın 12-də, ikinci yarımfinalı mayın 14-də, final mərhələsi isə mayın 16-da keçiriləcək. Ümumilikdə builki müsabiqədə 43 ölkə təmsil olunacaq.

İDMAN XƏBƏR

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

13:45

28 avqust 2026

Xalq artisti Tofiq Bakıxanov II Fəxri xiyabanda dəfn edilib - <span class="red_color">YENİLƏNİB-2 - <span class="red_color">FOTO

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

13:17

25 avqust 2026

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

21:07

24 avqust 2026

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - <span class="red_color">YENİLƏNİB

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

08:24

24 avqust 2026

Xəbər Lenti

İtkinlərin taleyi: Azərbaycanın ədalət və humanitar gündəliyinin açıq qalan səhifəsi - TƏHLİL

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Azərbaycanı “Eurovision-2009” mahnı müsabiqəsində təmsil edəcək şəxsin adı açıqlanıb – YENİLƏNİB FOTOSESSİYA

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

Xəbər Lenti

DİQQƏT!

DİQQƏT!

DİQQƏT!