Ramiz Mirişli: “75 il bir göz qırpımında gəlib keçdi”- MÜSAHİBƏ
- Heç bilmirəm 75 yaş necə gəlib keçdi. Başımız yaradıcılığa qarışdı, xarici ölkələrdə, Azərbaycanın rayonlarında xeyli konsertlər vermişəm. Həqiqətən də, 75 il bir göz qırpımında keçdi, getdi. Bu illər ərzində xoş günlərimlə yanaşı, pis günlərim də az olmayıb...
- Ənənənizə sadiq qalıb hələ də mahnılar bəstələyirsiniz.
- Əlbəttə... Bu həyatda yaşadığım müddətdə mahnılar bəstələyəcəyəm. Son illər operetta janrında yazdığım “Qısqanc ürəklər” artıq üç ildir ki, Azərbaycan Dövlət Musiqili Komediya Teatrında nümayiş olunur. elə bu teatr yeni bir əsər sifariş edib. “Kürəkən” adlanan bu yeni əsəri ilin sonuna kimi hazır etməyi düşünürəm. Bundan başqa Ramiz Həsənoğlu Mirzə Fətəli Axundovun “Vəkillər” pyesi əsasında müzikl çəkir və mən də bu müziklə mahnı yazıram.
- Yaşınız yaradıcılıqla məşğul olmağa bir problem yaratmır ki?
- Cəmi 75 yaşım var. Nə problem yarada bilər? Qətiyyən problem yaratmır.
- Sizə Azərbaycanın ən tanınmış müğənniləri ilə işləmək nəsib olub. Həmin ifalardan ən yaddaqalanı hansı olub?
- Bəli, mənim mahnılarımı Azərbaycanda XX əsrin ən böyük müğənniləri ifa edib. Rəşid Behbudov, Şövkət Ələkbərova, Zeynəb Xanlarova, Sara Qədimova, Flora Kərimova, İlhamə Quliyeva, Elmira Rəhimova, Gülağa Məmmədov, Lütfiyar İmanov, Səkinə İsmayılova, Aygün Bayramova, Aygün Kazımova və daha kimlər, kimlər... Yaddaqalan ifaçılar isə Rəşid Behbudov, Şövkət Ələkbərova, Zeynəb Xanlarovadır. Bilirsiniz niyə? Çünki mənim ilk mahnılarımı məhz onlar oxuyublar.
- Adları sadaladığınız Azərbaycanın görkəmli sənətkarları ilə əməkdaşlıq etdikdən sonra, bugünkü müğənnilərlə işləmək Sizə çətinlik törətmir ki?
- Gənclərlə işlədiyimi düz vurğuladınız. Bir çox gənclərlə işləyirəm, ancaq mən mahnılarımı ıstedadlı gənclərə verirəm.
- Bəs çoxsaylı mahnılarınızdan özünüzün ən çox bəyəndiyiniz mahnınız hansıdır?
- Mahnılarımın hamısı mənə doğmadır, onlar mənim balalarımdır. Çünki hər bir mahnıma ürəyimin yarısını qoyuram. Bütün mahnılarım eyni səviyyədədir, biri o birindən nə aşağı, nə də yuxarıdır. Hətta mənim “Tıq-tıq xanım”, “Analar və laylalar” və daha bir neçə cizgi filmlərinə yazdığım mahnılar da bu gün oxunur. Hətta bu yaxınlarda Röya da öz konsertinin reklamını “Tıq-tıq xanım”ın mahnısı üzərində qurmuşdu.
- Bu gün həm söz, həm musiqi müəllifi olan, elə öz yazdığını da ifa edənlərin sayı az deyil...
- Nə bilim Vallah, yazırlar da. İndi elələrinə də qadağan qoymaq olmur. Demokratik ölkəyik, hamı mahnı yaza bilər. Məncə, bütün bunların həlli üçün zamanı gözləmək daha yaxşıdır. Gəlin elə onları da zamanın öhdəsinə buraxaq, zaman özü bunları təmizləyəcək. Bayağı mahnıların taleyinə fikir verin, bu gün var, sabah yoxdur. Tofiq Quliyevin. Səid Rüstəmovun, Rauf Hacıyevin, Cahangir Cahangirovun mahnıları bu gündə yüksək səviyyədə oxunur və hər ifaçı o mahnıları ifa edəndə onlara rəhmət oxuyur.
- Sirr deyilsə, yaradıcılıq dövründə özünüzün ifa etmək istədiyiniz bir mahnınız olub?
- Belə bir istəyim olmayıb, olmayacaq da. Düzdür, müğənniyə mahnımı öyrədəndə oxuyuram. Ancaq kütlə qarşısında oxumamışam. Mən özümü bəstəkar kimi təsdiq etmişəm, oxumaq nəyə lazımdır ki? Ancaq mənim haqqımda bir film çəkilib, həmin filmdə bir balaca oxumuşam. Sabah bu filmi göstərəcəklər. Həmin filmdə Heydər Əliyevin mənim haqqımda fikirləri də yer alıb.
- Çox dərin köklərə söykənən Azərbaycan bəstəkarlıq məktəbinin bugünkü durumunu necə qiymətləndirirsiniz?
- Bizim Bakı Musiqi Akademiyasında bəstəkarlıq kafedrasında çox istedadlı gənclər təhsil alırlar. Onların mahnılarını dinləyəndə əmin oluram ki, Azərbaycan bəstəkarlıq məktəbi layiqincə davam etdiriləcək. Azərbaycan bəstəkarlıq məktəbi Üzeyir Hacıbəyov, Qara Qarayev, Cövdət Hacıyev, Arif Məlikov, Vasif Adıgözəlovun adı ilə bağlıdır. Onlardan sonra isə biz gəlmişik. Baxmayaraq ki, Azərbaycanda operanın əsası XX əsrdə qoyulub, ancaq bizim bir əsrdə etdiyimizi avropalılar 22 əsrdə ediblər. Qeyd etdiyim bu fakt Azərbaycan bəstəkarlıq məktəbinin çox tez inkişaf etməsinin bariz nümunəsidir. Bu inkişaf yenə də davam edəcək. Hər dövrdə olduğu kimi istedadlılarının üzə çıxması üçün bu dövrdə də çətinliklər mövcuddur. Bu problem bizim dövrümüzdə də var idi. Ancaq istedadlı, zəhmətkeş, tələbkar bəstəkar axır-əvvəl üzə çıxır.
- Meyxana və rep janrına münasibətiniz necədir?
- Bunlar da ayrıca bir musiqi janrlarıdır və onların da həyatda yaşamaq hüququ var. Bu gün meyxananı mahnı janrına çevirib oxuyurlar. Bütün bunlar yenilik axtarışıdır. Musiqidə həmişə axtarışlar olur, axtarışlar olmasa, musiqi inkişaf edə bilməz.
- Professional bəstəkar səviyyəsinə çatmaq üçün bəstəkardan nə tələb olunur?
- Peşəkar olmaq istəyən bəstəkar ilk əvvəl özünə qarşı çox tələbkar olmalıdır. Əlbəttə ki, ilk əvvəl o bəstəkar özünə uyğun və bacardığı mahnı janrını təyin etməlidir.
- Yubileyinizi kimlərlə və harada keçirəcəksiniz?
- Ad günüm bu gündür. Ancaq bu gün ad günümü evdə də qeyd etməyəcəyəm. Yubileyim dövlət səviyyəsində sabah Azərbaycan Dövlət Filarmoniyasında keçiriləcək. Üzeyir Hacıbəyov adına Azərbaycan Dövlət Orkestri ilə birgə konsertim olacaq. Orkestrə dirijor Rauf Abdullayev rəhbərlik edəcək. Simfoniyam, simfonik poemam, kantatalarım, Alim və Fərqanə Qasımovaların ifasında “Oxu, tar” balladam, “Məşəl kimi yanan ürək” əsərim səslənəcək. Bu ayın 19-da isə Musiqili Komediya Teatrında “Qısqanc ürəklər” oynanılacaq. May ayında yubileyimlə əlaqədar Heydər Əliyev Sarayında yaradıcılıq gecəmi keçirmək istəyirlər.
- Yubileyinizin ölkənin hüdudlarından kənarda keçirilməsi necə, gözlənilirmi?
- Ankarada yubileyimi keçirmək istəyirlər, ancaq həyat yoldaşımın səhhətində problemlər olduğundan onu qoyub gedə bilmirəm. Allahın qisməti, görək necə olacaq.
- Bu ad gününüzdə gözlədiyiniz hədiyyə varmı?
- Yaşadığım 75 illik həyatımda bütün hədiyyələrimi almışam... Sovet dövründə xalq artisti olmuşam, prezident təqaüdü alıram, “Şöhrət” ordenim var. Daha nə istəyim ki? Ancaq heç son zamanlar adımın qarşısına xalq artistini əlavə etmirəm, yazdırmaq istəmirəm.
- Niyə?
- Əslində son illər buna qərar vermişəm. Çünki xalq artistlərinin sayı çoxdur. Mən xalq artisti adını gör nə vaxt almışam. 19 il keçir xalq artisti fəxri adını almağımdan.
- Ad günündə özünüzə bir arzunuz varmı?
- Özümə arzu edirəm ki, Allah ömür versin, bir opera yazım... Bu qədər mahnıların müəllifi olduğuma görə, opera mənim üçün heç bir çətin şey deyil. Ancaq opera yazmaq üçün yaxşı ssenari olmalıdır. Bax o ssenarini gözləyirəm. Bu gün ən çox fikirləşdiyim şey opera yazmaq arzumu həyata keçirməkdir...
İncəsənət
Əməkdar artist Arif Mirzəyev dəfn edilib - YENİLƏNİB-1
Bakı Beynəlxalq İncəsənət Festivalının ikinci mövsümündə 10 mindən çox tamaşaçı iştirak edib
Bakı Media Mərkəzinin istehsalı olan “Sükut içində addımlar” filminin təqdimat mərasimi keçirilib - FOTO
Birinci vitse-prezident Mehriban Əliyeva və ailə üzvləri dünya şöhrətli skripkaçı Devid Qarrettin simfonik şousunu izləyiblər
Xəbər Lenti
“AzerGold” rəsmiləri Filizçay layihəsi ilə bağlı Balakəndə yerli icma nümayəndələri ilə görüşüblər - FOTO
“Real Madrid” Arda Gülərlə yeni müqavilə imzalayıb
Oğuzda avtoxuliqanlıq edən sürücü həbs olunub
Azərbaycan Prezidenti Edqars Rinkeviçsi təbrik edib
Prezident İlham Əliyev Oman Sultanına təbrik ünvanlayıb
Putin, Tramp və Si Cinpin arasında üçtərəfli danışıqların mövzuları açıqlanıb
Kreml Putin və Trampın ikitərəfli görüşünün vaxtının hələ razılaşdırılmadığını bildirib
Bakıda Azərbaycan və Avstriya arasında siyasi məsləhətləşmələr keçirilib
Tarixçi Aydın Balayevin “Azərbaycan türkləri" əsəri Azərbaycan dilində nəşr edilib
Diasporla İş üzrə Dövlət Komitəsi sədrinin müavinlərinin sayı artırılıb - FƏRMAN
Bakıda növbəti dəfə Gələcəyin Peşələri Sammiti keçirilib - FOTO
Almaniyanın xarici işlər naziri Ermənistana gedib
Rafiq Danakari: Amaras monastırına ziyarət xüsusi əhəmiyyət daşıyır
Gəncədə yol qəzasında 4 nəfər xəsarət alıb
Moldova Rusiyaya nota verib
Sumqayıt bulvarında 20 yaşlı oğlan dənizdə batıb - VİDEO
Şençjen sammiti: Çin, ABŞ və Rusiya liderlərinin görüşü beynəlxalq münasibətlərdə dönüş yarada biləcəkmi? – TƏHLİL
Birbank Private PWM və The Banker tərəfindən Azərbaycanın ən yaxşı özəl bankı seçilib
Azərbaycan və bp enerji layihələrinin inkişaf perspektivlərini müzakirə edib
Azərbaycanla Gürcüstan arasında iqtisadi tərəfdaşlığının genişləndirilməsi müzakirə edilib
Uşakov: Putin və Tramp bu gün görüşə bilərlər
Belçika ilə Fransa Ukraynaya ilin sonunadək 12 qırıcı təyyarə verəcək
Nazir: Minimum əməkhaqqının artırılması özəl sektorda maaş artımlarına təkan verir
Ağıllı saatlara görə aksiz vergisi alınacaq
Emin Əmrullayev: İxtisas seçimində əmək bazarının tələbləri hər zaman nəzərə alınmır
Trampın Çinə səfəri başlayıb
Alban-Udi icmasının nümayəndələri Amaras monastırını ziyarət edib - FOTO
Anar Əliyev: Süni intellekt daha çox ali təhsil və akademik bilik tələb edən peşələrə təsir göstərəcək
Nazir: Sertifikasiya nəticələrinə əsasən, işdən azad edilənlərin çoxu ibtidai sinif müəllimidir
Qevorq Papoyan: Ermənistan Aİİ-ni Avropa İttifaqı ilə əvəz etməyi nəzərdən keçirmir
Sabah Bakıda 21 dərəcə isti olacaq
Emin Əmrullayev: Əsas prioritetlərdən biri ibtidai təhsilin keyfiyyətinin yüksəldilməsidir
Samuxda minik maşını aşıb, ölən və xəsarət alan var - YENİLƏNİB-1 - FOTO
Qlobal təhsil bazarında yeni süni intellekt platforması - UniDestin fəaliyyətə başladı
“PAŞA Sığorta”nın yeni mobil tətbiqi istifadəyə verilib
Təhsil müəssisələrində istilik sistemləri ilə bağlı mövcud vəziyyət açıqlanıb
Yohann Vadeful: Bakıda açıq dialoq apardıq
Rusiya ordusu Xarkov vilayətində bazara zərbə endirib, 12 nəfər yaralanıb
Əsgər ölümündə təqsirləndirilən həkim həbs olunub, 9 min manat təzminat ödəyəcək
Nəqliyyat vasitələrinin utilizasiyası fondu ləğv olunur
Bakıda ödənişli hərəkət zonalarından toplanan haqq dövlət büdcəsinə ödəniləcək
Məqsədli büdcə fondları ləğv olunur, daxilolmalar dövlət büdcəsinin gəlirlərinə aid ediləcək
Baytarlıq pasportunun verilməsinə dövlət rüsumu 30 manat olacaq
Qoyun əti üzərinə nişan qoyulması üçün dövlət rüsumunun məbləği 2 dəfə azaldılır
Sahibkarlar işlənmiş məişət cihazları, mobil telefonlar və heyvan tullantılarını nağd qaydada ala biləcək
Baytarlıq şəhadətnaməsinin verilməsinə görə dövlət rüsumu ləğv edilir
Azərbaycandakı diplomatik nümayəndəliklər üçün vergiylə əlaqədar yeni mexanizm təklif edilir
“ƏDV geri al” mexanizmi bütün konsert növlərini əhatə edəcək
Onlayn ticarətə dair yeni prosedur müəyyənləşir
Vergi ödəyicisi könüllü şəkildə sadələşdirilmiş vergidən gəlir (mənfəət) vergisinə keçə biləcək