USD 1.7

Bakı 25 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Ana səhifə

İncəsənət

Firəngiz Əlizadə: “Telekanallarda Bədii Şuraların bərpa olunmasına ehtiyac yaranıb”

29 aprel 2009 11:49 (UTC +04:00)

Eldar Mansurov: “Bu gün efirdə peşəkar bəstəkarların əsərləri səsləndirilmir”

Bakı. Ülkər Qasımova-APA. Azərbaycan Bəstəkarlar İttifaqının mahnı və estrada musiqisi bölməsinin iclası keçirilib. APA-nın məlumatına görə, Azərbaycan Bəstəkarlar İttifaqının sədri, xalq artisti, professor Firəngiz Əlizadənin də iştirakı ilə keçirilən iclasa ittifaqın katibi, əməkdar incəsənət xadimi Eldar Mansurov sədrlik edib. E. Mansurov son illər mahnı yaradıcılığında xoşagəlməz halların artdığını, qeyri-peşəkar və təsadüfi adamların özlərini “bəstəkar” adlandıraraq bu sənətə baş vurub maliyyə imkanlarının hesabına efiri «mahnılarla» zəbt etdiyini söyləyib. Belələrinin ucbatından bəstəkarlıq sənətinin nüfuzuna xələl gəldiyini söyləyən E. Mansurov mahnı janrından, sənət növündən daha çox insanların şüuruna təzyiq vasitəsi kimi istifadə edildiyini və həmkarlarından artıq həyəcan təbilinin çalındığı bir məqamda belə bir vəziyyətin normallaşdırılması istiqamətində təkliflər verməyi və bu istiqamətdə birgə fəaliyyət göstərməyi qeyd edib: “Peşəkar bəstəkarların əsərləri bu gün efirdə səsləndirilmir. Bəstəkarlıq sənətini təhqir etmək olmaz. Küçədən gedən sıradan bir şəxs də özünə bəstəkar desin, mən də. Lazımdırsa, lap telekanallara müraciətlər göndərərək, qeyri-peşəkar musiqi ilə peşəkar bəstəkarın yaradıcılığına fərq qoyulmasını tələb etmək lazımdır”.

Bəstəkarlar İttifaqının sədri Firəngiz Əlizadə mahnı yaradıcılığında yaşanan nöqsanların nəinki peşəkar musiqiçiləri, hətta sadə insanları da narahat etdiyini vurğulayıb: “İnsanlar mənə tez-tez zəng edib Bəstəkarlar İttifaqının sədri kimi bu acınacaqlı vəziyyətin aradan qaldırılması üçün lazımi ölçülərin götürülməsini tələb edirlər. Bu birbaşa bizdən asılı məsələ deyil. Özəl telekanallar reytinq xətrinə efirdə qeyri-peşəkarların mahnılarına üstünlük verirlər. Bəlkə də, efirdə səslənən musiqilərin 10 faizi peşəkar bəstəkarların, 90 faizi isə qeyri-peşəkarların payına düşür. Aranjemançılar özləri etiraf edirlər ki, internetdən hazır standart qəlibləri axtarıb tapır, hərəsindən bir parçanı götürüb birləşdirib, mahnı formasına salırlar. Halbuki, onların heç not və ya partitura yazmaq bacarığı da yoxdur. Məhz bu məsələləri nizamlamaq üçün telekanallarda Bədii Şuraların bərpa olunmasına ehtiyac yaranıb. İstərdik ki, sağlam rəqabətin yaranması üçün bəstəkarlar öz əsərlərini bu şuralara təqdim etsinlər. Telekanalların musiqi redaksiyalarına Bəstəkarlar İttifaqının üzvlərinin cəlb edilməsini çox istərdik. Bununla yanaşı bəstəkarlarımız müasir tələbata cavab verən keyfiyyətli əsərlər bəstələməli və öz əsərlərini özləri aranjeman etməlidir”.

Bəstəkar Sərdar Fərəcov çıxışında müasir dinləyicinin tələbatını ödəmək üçün peşəkar bəstəkarlarımızın öz üzərlərində çox çalışmalı olduqlarını qeyd edib. Bəstəkar Mobil Babayev isə problemlərin aradan qaldırılması istiqamətində ilk iş kimi Dövlət Televiziyasında Mədəniyyət və Turizm Nazirliyinin məsul şəxslərinin iştirakı ilə canlı yayımda dəyirmi masanın təşkil olunmasını təklif edib. Bəstəkarlar Vüqar Camalzadə, Nadir Əzimov da Bədii Şuranın yaradılmasını çıxış yolu kimi qiymətləndiriblər. İclasın sonunda
telekanallarda Bədii Şuraların fəaliyyəti bərpa edilməsi, telekanalların musiqi redaksiyalarının fəaliyyətinə peşəkar musiqiçilər cəlb edilməsi, peşəkar bəstəkarların yaradıcılığına lazımi qədər efir vaxtı ayrılması, dövlət sifarişi ilə istehsal olunan filmlərə musiqi bəstələnməsinin peşəkar bəstəkarlara həvalə edilməsi, piratçılıqla mübarizənin sərtləşdirilməsi, Mədəniyyət və Turizm Nazirliyinin bu sahəyə məsul vəzifə sahiblərinin və ictimaiyyətin nümayəndələrinin iştirakı ilə Azərbaycan Dövlət Televiziyasının canlı yayımında dəyirmi masa təşkil olunması təkliflərin yer aldığı müraciətin müvafiq orqanlara göndərilməsi qərara alınıb.

İDMAN XƏBƏR

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

13:45

28 avqust 2026

Xalq artisti Tofiq Bakıxanov II Fəxri xiyabanda dəfn edilib - <span class="red_color">YENİLƏNİB-2 - <span class="red_color">FOTO

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

13:17

25 avqust 2026

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

21:07

24 avqust 2026

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - <span class="red_color">YENİLƏNİB

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

08:24

24 avqust 2026

Xəbər Lenti

Küləkli hava şəraiti ilə bağlı sarı və narıncı xəbərdarlıq verilib

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

İncəsənət

Firəngiz Əlizadə: “Telekanallarda Bədii Şuraların bərpa olunmasına ehtiyac yaranıb”

İncəsənət

Əli İsa Cabbarov AKİ sədrliyindən namizədliyini geri götürüb, işdən çıxmaqla bağlı ərizə yazıb

Xalq artisti Tofiq Bakıxanov II Fəxri xiyabanda dəfn edilib - YENİLƏNİB-2 - FOTO

Xalq artisti Tofiq Bakıxanovla vida mərasimi sabah Təzə Pir məscidində keçiriləcək

Mədəniyyət Nazirliyi Tofiq Bakıxanovun vəfatı ilə bağlı nekroloq yayıb - YENİLƏNİB

Xəbər Lenti

DİQQƏT!

DİQQƏT!

DİQQƏT!