Lənkəranda əməkdar artist Elşad Zeynalovun xatirə lövhəsinin açılışı olub – FOTO
22 sentyabr 2010 13:41 (UTC +04:00)
Lənkəran. Ağəddin Babayev – APA. Bu gün Azərbaycanın əməkdar artisti Elşad Zeynalovun yaşadığı Lənkəran şəhərinin Qala Xiyabanı, 28 ünvanında yerləşən binanın qarşısında xatirə lövhəsinin açılışı olub. APA-nın cənub bürosunun məlumatına görə, bu münasibətlə keçirilən mərasimdə mərhum sənətkarın bir yerdə çalışdığı Nəcəf bəy Vəzirov adına Lənkəran Dövlət Dram Teatrının kollektivi, ictimaiyyət nümayəndələri, ziyalılar və yaxınları iştirak ediblər. Lənkəran Şəhər İcra Hakimiyyəti aparatının məsul işçisi Məmməd Səfərov, N. B. Vəzirov adına Lənkəran Dövlət Dram Teatrının direktoru İslam Həsənov, teatrın baş rejissoru, əməkdar incəsənət xadimi Baba Rzayev, respublikanın xalq artisti Böyükxanım Əliyeva, yazıçı-publisist Hafiz Mirzə və başqaları çıxış edərək Elşad Zeynalovla bağlı xatirələrini danışıblar.
Qeyd olunub ki, E. Zeynalov 1973-cü ildən Lənkəran Dövlət Dram Teatrında aktyor kimi əmək fəaliyyətinə başlayıb. Səhnədə 100-ə yaxın rolda çıxış edib. Azərbaycan teatrının inkişafında fəaliyyətinə görə 2000-ci ildə ona respublikanın əməkdar artisti fəxri adı verilib. Elşad Zeynalov 1986-cı ildən ömrünün sonunadək Lənkəran teatrının direktoru vəzifəsində çalışıb. 2006-cı il yanvarın 5-də 55 yaşında qəflətən dünyasını dəyişib.
Qeyd olunub ki, E. Zeynalov 1973-cü ildən Lənkəran Dövlət Dram Teatrında aktyor kimi əmək fəaliyyətinə başlayıb. Səhnədə 100-ə yaxın rolda çıxış edib. Azərbaycan teatrının inkişafında fəaliyyətinə görə 2000-ci ildə ona respublikanın əməkdar artisti fəxri adı verilib. Elşad Zeynalov 1986-cı ildən ömrünün sonunadək Lənkəran teatrının direktoru vəzifəsində çalışıb. 2006-cı il yanvarın 5-də 55 yaşında qəflətən dünyasını dəyişib.
İncəsənət
“Urbanda görüşərik” layihəsi çərçivəsində Məhəmməd Füzuli yad edilib - FOTO
23:41
2 may 2024
"Gəncədən Bakıya" layihəsi çərçivəsində növbəti konsert keçirilib
15:10
1 may 2024
Azərbaycan Dövlət Rəqs Ansamblı beynəlxalq festivalda qalib olub
15:42
30 aprel 2024
“Yol əhvalatı”nın Fəridi: Nə vaxta kimi Azərbaycanda çəkilən filmlərdə pullar yeyiləcək, kinomuz belə də qalacaq - MÜSAHİBƏ
15:09
30 aprel 2024