İncəsənət

Ana səhifə

İncəsənət

Müslüm Maqomayevin anadan olmasının 125 illik yubileyi münasibətilə “Şah İsmayıl” operasının nümayişi olunub - FOTOSESSİYA

Müslüm Maqomayevin anadan olmasının 125 illik yubileyi münasibətilə “Şah İsmayıl” operasının nümayişi olunub - <font color=red>FOTOSESSİYA</font>

24 sentyabr 2010 08:10 (UTC +04:00)

Bakı. Ülkər Qasımova-APA. Sentyabrın 23-də Azərbaycan Dövlət Akademik Opera və Balet Teatrında Müslüm Maqomayevin anadan olmasının 125 illik yubileyinə həsr olunan 4 pərdəli, 7 şəkildən ibarət “Şah İsmayıl” operasının nümayişi olub. APA-nın məlumatına görə, tamaşanın dirijoru əməkdar incəsənət xadimi Sevil Hacıyeva, rejissoru əməkdar incəsənət xadimi Hafiz Quliyev, quruluşçu rejissoru xalq artisti Ağababa Bünyadzadə, quruluşçu rəssamı isə əməkdar rəssam olan Ənvər Almaszadədir. Baş rollarda əməkdar artist Təyyar Bayramov, xalq artisti Şahlar Quliyev və İlahə Əfəndiyeva çıxış ediblər. Digər rolları isə əməkdar artistlər Nizami Bağırov, Sabir Əliyev, Əli Əsgərov, aktyorlar Arzu Əliyeva, Əliəhməd İbrahimov, Nəzər Bəylərov və başqaları canlandırıblar. Tamaşanı əməkdar artist İsmayıl Ələkbərov idarə edib.Tamaşanın librettosu M. Maqomayev və M. Ə. İsmayılzadə Vüsaqinindir.

Tamaşanın quruluşçu rejissoru, əməkdar incəsənət xadimi Hafiz Quliyev APA-ya bildirib ki, “Şah İsmayıl” operasının ilk quruluşu 1919-cu ildə olub: “Həmin il rejissor öz tamaşasına baxa bilməyib, onu həmin vaxtı vurublar, ancaq tamaşa göstərilib. Elə ilk nümayiş zamanı bu opera çox bəyənilib və buna görə də həmin ildən bur günədək bu opera hər zaman Opera və Balet Teatrının repertuarında olub”. H. Quliyev deyib ki, bu tamaşa 1994-cü ildə bərpa olunub.

Xalq artisti Şahlar Quliyev bildirib ki, bu tamaşada Aslan şah obrazında artıq 90-cı dəfədir çıxış edir. Xalq artisti bu obrazı çox sevdiyini və Aslan şahı oynayan zaman heç bir yorğunluq hissi keçirmədiyini dilə gətirib: “Bu opera yeganə operadır ki, mən enerjimə qənaət etmirəm. Çox xoşbəxtəm ki, bu gün bu səhnədə 90-cı dəfə Aslan şahı oynayacağam”.

Şah İsmayıl obrazını canlandıran əməkdar artist Təyyar Bayramov, Ərəbzəngi obrazında çıxış edən Arzu Əliyeva, Gülzar obrazını yaradan İlahə Əfəndiyeva Müslüm Maqomayevin şah əsərində çıxış etmələrindən məmnunluq hissi keçirdiklərini deyiblər. Gənc xanəndələr bu məsuliyyətli işi layiqincə həyata keçirmələri üçün daima üzərlərində çalışdıqlarını və bu səhnədə çıxış etməyi özlərinə şərəf bildiklərini qeyd ediblər.