İncəsənət

Ana səhifə

İncəsənət

Bakıda Türkiyə müğənnisi Ahmet Şafakın albomunun təqdimatı keçirilib – FOTO

Bakıda Türkiyə müğənnisi Ahmet Şafakın albomunun təqdimatı keçirilib – <font color=red>FOTO </font>

05 oktyabr 2010 12:52 (UTC +04:00)

Bakı. Ülkər Qasımova – APA. Bu gün Bakıda Türkiyə müğənnisi və bəstəkarı Ahmet Şafakın “Aşk və Vatan” albomunun təqdimatı keçirilib. APA-nın məlumatına görə, təqdimat mərasimi “Azəri-Türk” Qadınlar Birliyi və Azərbaycan-TÜrkiyə Gənclərinin Dostluq Cəmiyyətinin təşkilatçılığı ilə baş tutub. Ahmet Şafakın albomunda yer alan “Qaragilə” mahnısının sözlərinin müəllifi Sona Vəliyeva, “Azəri-Türk” Qadınlar Birliyinin sədri Tənzilə Rüstəmxanlı, “525-ci qəzet”in baş redaktoru Rəşad Məcid, telejurnalist Sevil Nuriyeva, əməkdar artist Tünzalə Ağayeva və başqaları sənətçini təbrik edib və ona minnətdarlıq ediblər.
Sona Vəliyeva bildirib ki, bu mahnı Bakının Təbrizdən, Təbrizin Bakıdan ayrı düşməsinə bir ağıdır: “Mənim yazdığım “Qaragilə” xalq mahnısı “Qaragilə”yə bir cavabdır. “Qaragilə”də də böyük həsrət və nisgil var. Bir millətin yüz illər boyu davam edən və hələ də sonu görünməyən, vüsalı müşkül olan yurd həsrətinin ağrısı var”.

Ahmet Şafakın ifasının yüksək qiymətləndirdiyini deyən müəllif bildirib ki, onun ifasını dinləyən zaman “Çaldıran” döyüşünün şahidi olduğunu zənn edir.
A.Şafak “Aşk və Vatan”ın onun sayca doqquzuncu albomu olduğunu bildirib: “Bu albom Türkiyədə işıq üzü görüb, ancaq Azərbaycanda ilk dəfədir ki, təqdimat keçirirəm. Altı ildir çox tez-tez Azərbaycana gəlirəm, konsert proqramı ilə çıxış edirəm. Ancaq bu müddət ərzində beş albomumun çıxmasına baxmayaraq, ilk albomdur ki, Azərbaycan da təqdimatını keçiririk”.
Sənətçi bu albomunun ilk təqdimatının məhz Azərbaycanda təşkil olunduğunu, bir aydan sonra isə Türkiyədə təqdim olunacağını da qeyd edib.
Albomda yer alan 14 mahnıdan 13-nün söz və musiqi müəllifi Ahmet Şafak özüdür.

Təqdimat mərasimində xalq artistləri Fuad Poladov, Nisə Qasımova, Brilliant Dadaşova, Afaq Bəşirqızı, əməkdar artist Aybəniz Haşımova və başqaları da iştirak ediblər.
Sonda türkiyəli müğənni Ahmet Şafak azərbaycanlı həmkarları ilə birgə “Azərbaycan-Türkiyə” mahnısını ifa edib.