İncəsənət

Ana səhifə

İncəsənət

L’İmage layihəsinin iştirakçıları Azərbaycan səhnəsində çıxış ediblər - FOTOSESSİYA

L’İmage layihəsinin iştirakçıları Azərbaycan səhnəsində çıxış ediblər - <font color=red>FOTOSESSİYA</font>

30 oktyabr 2010 10:00 (UTC +04:00)

Bakı. Ülkər Qasımova – APA. Oktyabrın 29-da Səməd Vurğun adına Dövlət Rus Dram Teatrında 1973-cü ildə yaradılmış L’İmage layihəsinin iştirakçıları – Tony Levin, Steve Gadd, Warnen Bernhardt, David Spinozza və Mike Mainieri konsert proqramı ilə çıxış ediblər. APA-nın məlumatına görə, konsertdə caz kompozisiyaları ifa edilib. Sakit ritmlər üzərində təqdim olunan hər bir mahnı tamaşaçıların marağına səbəb olub. Azərbaycanda ilk dəfə olaraq konsert verən musiqiçilər, bu ölkəni görməkdən məmnunluq hissi keçirdiklərini bildiriblər.

Xatırladaq ki, Mike Mainieri yüzdən çox qızıl albomun müəllifidir. Frank Zappa, Billy Joel, Jimi Hendrix, Buddy Rich və Bonnie Rait kimi popo, rok və caz ulduzları ilə disk yazdırıb. Tony Levin kontrabas ifaçısı olaraq Steps Ahead və Pink Royd ilə disklər hazırladıb. Steve Gadd dünyada ən çox sayılıb-seçilən zərb ifaçılarından biridir. Warnen Bernhardt Simon və Garfunkelin poanoçusu, Steely Danın musiqi direktorudur. David Spinozza isə tanınmış studiya gitaraçısıdır.
Həmin gün Bakı Caz Mərkəzində daha bir caz konserti baş tutub. “Jazzamor” qrupunun ifasında da kompazisiyalar səslənib. “Jazzamor” – peşəkar səs rejissoru Roland Qroş və müğənni Betina Mişkenin Yaradıcılıq İttifaqıdır.

Qeyd edək ki, hər iki konsert “Bakı Beynəlxalq Caz Festivalı-2010” çərçivəsində həyata keçirilib. Mədəniyyət və Turizm Nazirliyi, Azərbaycan Mədəniyyət Fondu və “Sweet” Productionun birgə təşkilatçılığı ilə keçirilən festival bu gün başa çatacaq. Festivalın son günündə Azərbaycan Dövlət Filarmoniyasında ən yaxşı caz vokal çıxışına görə 4 dəfə “Gremmy” mükafatına layiq görülən Dianne Reeves konsert proqramı ilə çıxış edəcək.