İncəsənət

Ana səhifə

İncəsənət

“Səməd Vurğun təsviri sənətdə” adlı sərginin açılış mərasimi və eyni adlı foto-albomun təqdimatı keçirilib - FOTOSESSİYA

“Səməd Vurğun təsviri sənətdə” adlı sərginin açılış mərasimi və eyni adlı foto-albomun təqdimatı keçirilib - <font color=red>FOTOSESSİYA</font>

14 dekabr 2010 15:03 (UTC +04:00)

Bakı. Ülkər Qasımova – APA. “Qız Qalası” qalereyasında “Səməd Vurğun təsviri sənətdə” adlı sərginin açılış mərasimi və eyni adlı foto-albomun təqdimatı keçirilib. APA-nın məlumatına görə, sərgi Səməd Vurğunun Ev-Muzeyinin yaradılmasının 35 illiyinə həsr olunur.
Ev-Muzeyin direktoru Aygün Vəkilova bildirib ki, ekspozisiyada Səttar Bəhlulzadənin, Maral Rəhmanzadənin, Tahir Salahovun, Kamil Xanlarovun, Elmira Şahtaxtinskayanın, Asəf Cəfərovun, Nadir Əbdürrəhmanovun və digər görkəmli Azərbaycan rəssamlarının 50-dən çox sənət nümunəsi nümayiş etdirilir: “Bu gün nümayiş etdirilən əsərlər arasında yağlı boya ilə işlənmiş rəsm, qrafika əsərləri, xalçalar üstünlük təşkil edir. Onu da bildirmək istərdim ki, Səməd Vurğunun 2011-ci ildə keçiriləcək 105 illiyi ərəfəsində muzeyin fondlarında qorunan eksponatlar bərpa və konservasiya edilərək çərçivələnib”.
Tədbirdə Mədəniyyət və Turizm Nazirliyinin Aparat rəhbəri Firudin Qurbanov, Azərbaycan Rəssamlar İttifaqının katibi Arif Hüseynov, Bakı şəhər Mədəniyyət və Turizm İdarəsinin rəisi Əlikram Əliyev və başqaları Səməd Vurğun yaradıcılığına nəzər salıb və onunla bağlı xatirələrini bölüşüblər. Sərgidə eyni zamanda şairin oğlu Yusif Səmədoğlunun 15 yaşında ikən atasına həsr etdiyi yağlı boya ilə işlənmiş portreti də nümayiş etdirilib.