İncəsənət

Ana səhifə

İncəsənət

“Bakı gecələri – 2010” Estrada Mahnı Festivalının qala-konserti keçirilib - FOTO

24 dekabr 2010 10:45 (UTC +04:00)

Bakı. Ülkər Qasımova – APA. Dekabrın 23-də Heydər Əliyev Sarayında “Bakı Gecələri – 2010” Estrada Mahnı Festivalının qala-konserti keçirilib. APA-nın məlumatına görə,
“Bakı gecələri” Estrada Mahnı Festivalı Mədəniyyət və Turizm Nazirliyi və Bakı Şəhər İcra Hakimiyyətinin dəstəyi, Bakı Şəhər Mədəniyyət və Turizm İdarəsinin təşkilatçılığı ilə baş tutub. Festivalda “Ən yaxşı bəstəkar” nominasiyasında Xanım İsmayılqızı, Novruz Aslanov, Nadir Əzimov, Elza Seyidcahan, Rəhim Rəhimli və Sevinc Tofiqqızı, “Ən yaxşı şair” nominasiyasında Rəşad Bağırov, Günel Sərdarqızı, Elvin Elcan, “Ən yaxşı aranjeman” nominasiyasında Rüfət Əfəndiyev, Arzu Abbasova qalib olublar. “Bakı gecələri -2010”-un “Ən yaxşı ifa” nominasiyasına Murad Sadıq, Səyyad Əlizadə, Nadir Qafarzadə, Manana Caparidze layiq görülüb. Mətanət İskəndərli, Təranə Vəlizadə, Günay İbrahimli, “Xan” qrupu, Şahin Quliyev, Aslan Hüseynov, “Kristal” qrupu, Tahir Quliyev, Rüfət Axundov, Roza Zərgərli və Tofiq İsmayılzadə “Bakı Gecələri – 2010 Estrada Mahnı Festivalının laureatı” adına layiq görülüblər.

Bakı şəhər Mədəniyyət və Turizm İdarəsinin rəsmi internet saytı olan www.baku-art.az saytında online səsvermə nəticəsində tamaşaçıların müəyyən etdikləri “Qran-Pri” mükafatının sahibi isə “Qələbə” mahnısı ilə Leyla Ramazanlı olub. “Qələbə” mahnısının musiqisi İsmayıl Əsədova, sözləri Arzu Əsədova, aranjimanı isə Ramin Vəlibəyova məxsusdur.

Xatırladaq ki, “Bakı gecələri – 2010” Estrada Mahnı Festivalında iştirak etmək üçün Təşkilat Komitəsinə ümumilikdə 54 bəstəkar və mahnı müəllifi, 63 şair və həvəskar söz yazarı, 25 aranjimançının ərsəyə gətirdiyi 100-ə yaxın mahnı təqdim olunub. 3 konsert proqramından ibarət seçim turunda Təşkilat Komitəsi tərəfindən seçilən mahnılar müğənnilərin ifasında təqdim olunub və professional münsiflər heyəti tərəfindən həmin mahnılar sözlərinə, oranjimana, ifa tərzinə görə qiymətləndirilib.