İncəsənət

Ana səhifə

İncəsənət

Filipp Kirkorov Azərbaycan paytaxtının baş səhnəsində çıxış edəcək – FOTO

Filipp Kirkorov Azərbaycan paytaxtının baş səhnəsində çıxış edəcək – <font color=red>FOTO </font>

18 fevral 2011 11:42 (UTC +04:00)

Bakı. Ülkər Qasımova - APA. Rusiyanın tanınmış müğənnisi, uzun zamandır Azərbaycanda konsert vermək arzusunda olduğunu bildirən Filipp Kirkorov gələn ay paytaxt səhnəsində çıxış edəcək. APA-nın müğənninin rəsmi internet saytına istinadən yaydığı xəbərə görə, müğənninin Bakıdakı çıxışı martın 2-də olacaq. Bu tarix müğənninin internet saytında yerləşdirilən illik turnelərlə bağlı təqvimdə qeyd olunub.

F. Kirkorovun Bakıda çıxışı Rusiyanın tanınmış bəstəkarı İqor Krutoyun yaradıcılıq gecəsi çərçivəsində baş tutacaq. O da bildirilir ki, yaradıcılıq gecəsinin Heydər Əliyev Sarayında keçirilməsi nəzərdə tutulur.

F. Kirkorov Bakıda çıxışı ilə bağlı saytına bunları deyib: “Mən Bakını sevirəm və bu gözəl, tarixi şəhəri görmək istəyirəm. Bu ölkəni hər bir çıxışımda sevdiyimi bildirmişəm. Mənim Bakıda çox dostum var və hər zaman onlardan bu şəhər haqda məlumat alıram. Bakı səhnəsində çıxış edəcəyim məni çox sevindirir. Bu möhtəşəm şəhərdə, çox sevdiyim insanlar qarşısında öz şoumu göstərmək arzusundayam. Bu arzumun gerçəkləşəcəyinə ümid edirəm”.

Onu da əlavə edək ki, tanınmış müğənni bir müddət əvvəl APA-ya verdiyi müsahibəsində də bu arzusunu dilə gətirmiş, canlı konsertlə çıxış etmək istəyini bildirmişdi.

İqor Krutoyun Bakıda keçirilməsi nəzərdə tutulan yaradıcılıq gecəsində F.Kirkorovla yanaşı, Layma Vaykule, Aleksandr Serov və digər tanınmış müğənnilərinin də çıxışı planlaşdırılır.

Kirkorov